Yobo 33:19 - Amazwi Yakwe Leza 2013

¹⁹ Limwi nalyo, Leza angayakalipila ukupitila umu ulwale lino ukali ukuyazozota umu mwili.

Yobo 33:19 Referans Kwoze

Yobo 30:17

Ndi kwala kwafita, ulwale ala watandika ukukonkonta umu mafupa. Alino ivilonda vikumonyoka sile, navyo kusi kuta ukuncuzya.

1 Kolinto 11:32

Lelo lino tukapingulwa tukasundwa nu Mwene kuti tusambilile tutakavunukwe pamwi na antu amu nsi.

Masamu 119:71

Canzipile ukuvunukwa, pakuti nsambilile amalamulo inu.

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Masamu 119:67

Lino utacili umvunuke, napumbokanga umu nzila. Lelo ndakai nkayela izwi lyako.

Masamu 94:12

We Yawe, walongo umuntu wino ukasambilizya, wiyo wino ukalondolwela amasunde yako.

Yobo 20:11

Umwili wakwe uwali ni vimaka uku ulumendo, utalalengela ukuzikwa nga nu kuola umu musili.

Yobo 7:4

Ndi nasendama apa musanzi wane, nkatandika nu kuyuzya inti, ‘Kumaca lilaci?’ Nanti usiku utalimpe impunga uca, nemo inalukusalakata sile suka uca.

2 Milandu 16:12

Umu mwaka uwalenga makumi yatatu na fundimbali uwa kuteeka kwakwe, Asa walwile ulwale uku ngazo. Nga lelo nalyo kwene wene atataile muli Yawe, lelo waile kuli yasing'anga.

2 Milandu 16:10

Cii calenzile kuti umwene Asa asokele kasema cakuti amwika umu ng'anda yaminyololo. Kufuma lilyo kwene umwene Asa atandika kuteeka antu uluku uluku.

Malango 8:5

Mwaiusya ukuti Yawe Leza winu akasunda nu kuvunuka mwemwe wakwe vino akwasi yakasunda ana yao.

Masamu 73:14

Iye mwe Leza, awewe ukaleka kuti nacula vii umusanya onsi, na cila katondo ukatala uncuzyapo!

Yobo 29:17

Uwaluvyanya wene namutamanga umu nzekete, mpaka aswa navino avwasile. Fwandi natulanyanga yano yafyengwa.

Kasambilizya 8:6

Icintu cili consi cakwata insita yakweco, alino ni nzila yakuciombelamo. Lelo swe antu tutacimanya ningo.