Yobo 33:16 - Amazwi Yakwe Leza 2013

¹⁶ Akula lino yakaswile, alino nawe ayatotoza amazwi yakwe. Limwi nu kuyacilukizya apakuti ayasopesye, mu vintu vino yakuluvyanya.

Yobo 33:16 Referans Kwoze

Yobo 36:10

Akaleka kuti yuvwikisye vino wayasopesyanga apakuti yangafuntuka uku maifyo.

Yobo 36:15

Lelo Leza akapususya yao akucula uku ucuzi wao. Wene akalanda kunoyali umu ntazi zyao. Akaleka kuti yacule, apakuti umu kucula kwao amuno yapule amalango.

Masamu 40:6

Impolelwa na mawila wemo usivilonda, awe. Lelo wemo wampeela amatwi akuvwilako. Usilonda amawila yakoca na mawila yakwelela amaifyo.

Ezaya 50:5

Yawe Simwandalali wankomwile amatwi, ntamusangukile nanti kumufutatila.

Milimo 16:14

Wenga wamuli yao atuvwile wali a Lidya uwafumile ku Tiatila, kakazya wa nsalu zyakwe cikuwe. Wali umwanaci uwapepanga Leza, nu Mwene wayuzile amano yakwe kuti auvwe kuli vino Paulo wavwanganga.

Luka 24:45

Lyene akupulula myenzo yao kuti yamanye malembelo.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Loma 15:28

Lino ndamala mulimo wa kuyapela lupiya lonsi luno yasangwile, ndiza kwiza mutandalila, nga pacisila inje ku Sipeni.

Ezaya 48:8

Nemo namanyile ukuti mwemo musi antu akutaila, pano kwene ukufuma sile pano mwavyalilwe, mwemo mwamanyika ningo ukuti mwemwe yacisanguka. Uli mulandu kwene uno mutatala muvwila ivintu vii. Ali cino na mazwi kwene apa vintu vii yatatala yuvwika kunomuli.

Neemiya 9:38

“Pamulandu wakwe vivyo vyonsi, icalenzile ukuti swe ina Izlaeli tuzumilizyanye ukucita upangano uu uwa ufumacumi. Twalemba apa cipampa. Twafwatika penepo ni nsimbi nu kusainapo amazina ya ntunguluzi zitu, aina Levi na yasimapepo itu.”

2 Samueli 7:27

We Yawe Wamaka yonsi, Leza wa ina Izlaeli, pamulandu wakuti watuvwanga kuli nene ne muomvi wako uti, ‘Ndatoola ana yako, ayano yace yaya pa wene,’ ali cino nu kupama natimpama pa kupepa ipepo lii.

Mateo 2:12

Lyene lino yacelulwa na Leza mu ciloto kuti yataswilila kuli Helodi, yapita museo uze kuya ku mpanga ya kumwao.

Yobo 33:17

Ali pakuti ayafuntusye uku micitile iipe, nu kucefyanya icilumba kunoyali.

Danieli 2:19

Lyene usiku ulya uli umwi kwene inkama ilya yasokolwilwe kuli Danieli mu cilolwa, nga nawe alumbanya Leza wa kwiyulu