Yobo 33:14 - Amazwi Yakwe Leza 2013

¹⁴ Leza apa nsita imwi angavwangila umu musango umwi nupya lyuze nalyo umu musango uze. Lelo antu yene pali cico yasisumbako amano.

Yobo 33:14 Referans Kwoze

Mapinda 1:24

Apakuzana ukuti namwamile namwe mwakana ukuyela, namusinizyanga namwe mwansuuzile,

2 Milandu 33:10

Yawe wacelwile Manase na antu yakwe, lelo yene yatuvwile.

Masamu 62:11

Kwaya sile icintu conga cino Leza akakonkowezya penepo, cino nani namasambilila mwenemo ivintu viili. Acico icakuti, wewe Leza uli mweneco wa maka,

Luka 24:25

Lyene Yesu ayanena ati, “Viwelewele mwe, mwe muno mwakoma myenzo pa kutaila vintu vino yakasema yalanda.

Yobo 33:29

“Fwandi vivyo vyonsi, ali vino Leza wacitila antunze amaila avule umu wikazi wao.

Yoane 3:19

Luswepo lwiza mu nsi, lelo antu yakacita viipe. Acino yapingulwa pano yatemwisya mfinzi kuluta luswepo.

Mateo 13:14

Muli yaa usemo wakwe Ezaya wafikiliziwa, uno ukati, ‘Kuuvwa muluvwa, lelo mutalamanya ningo; nu kulola mulalola, lelo mutangamwiluke,

Ezaya 6:9

Lyene nawe anena ati, “Pita ukanene antu yaa uti, ‘Nanti mungakutika uli, lelo mutangatezya. Ukulola mungalola, lelo mutangiluka.’”

Mapinda 1:29

Mwasuuzile ukwiluka, mutakasi nu kutontelela Yawe.

Yobo 40:5

Natimvwanga mpiti caticisila, intange nswilizye nupya, awe.”

Utandiko 46:2

Usiku Leza avwanga kunoli mu cilolwa, amwama ati, “Yakobo, Yakobo!” Nawe aasuka ati, “Endi, indi pano.”

Danieli 7:1

Mu mwaka uwakutandika uwa kuteeka kwakwe Belisyazali umwene waku Babiloni, ne Danieli nalosile iciloto nga naweni icilolwa usiku. Nalemvile iciloto cici.

Yobo 4:13

Cali kwati umu nsita ya usiku, lino iviloto vikapoka umuntu amano nu tulo itumulalikizya.

Masamu 62:12

alino ni cakuti we Leza, uluse lwako ulwamuntaputuka. Icacumi, we Mwene, ala ukapeela icilambu uku muntu ukulingana ni vicitwa vyakwe.