Yobo 30:15 - Amazwi Yakwe Leza 2013

¹⁵ Ivyakungofya vyanduta amaka. Ucindami wane watiwononeka nu kusendwa kwati umu muza. Wene usipo, watiupita wi kumbi. Alino utailo wakupusuka, wene apasi watupita wi kumbi.

Yobo 30:15 Referans Kwoze

Oseya 13:3

Acino antu yaa yalakolana na kungwi, wino akasalangana umu katondo, yalakolana nu lumi ulukakuntika katondotondo.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Yobo 6:4

Leza Wamaka yonsi aliwe wandasola inceto, alino nu usungu waziko wasatila umu mwili wane monsi pyu. Vyonsi vino Leza akaofezya antu vyati vinzinguluka.

Oseya 6:4

Lelo Yawe akuti, “Mwe aluko lwakwe Efulemu, uzye icani cino namamucitila? Namwe mwe aluko lwakwe Yuda, uzye icani cino namamucitila? Ukutemwa kwinu kuli wakwe kungwi, wino akasalangana umu katondo, kukoline nu lumi ulukakuntika katondotondo.

Masamu 88:15

Ukutandikila uku wance wane, nemo pasi pakucuula, nkupita icipapala mfwa. Muno nkalukuzizimizya pamulandu nu uvunuko wako, ninsuka nintonta, lwatilusila.

Yobo 31:23

Ukali wakwe Leza unjizile. Alino nu kuya kwene nemo, intange intale ncicite, apamulandu wakuti Leza wacindama.

Yobo 10:16

Nanti ningati nkanjitwale apankolelo, wemo ale umandunga kwati avino cisama akalunga. Nupya apakuncuzya ukaswilizyapo ukucita ivipezyamano.

Yobo 7:14

Lelo wemo ukungofya uku viloto. Ukandanga ivilolwa vimwi ivyakumpelenganya,

Yobo 7:9

Vivi kwene vino mukalola ikumbi kuno lyasalangana nu kupita, ali vino nu muntu akaya uku mpanga ya afwe nawe aililila.

Yobo 3:25

Ivintu vino noopanga mpiti vyativinjizila, ivyampile intete vyativimponela.

Yobo 30:14

Yiza ingilila umu milompwelo yamu cimpinda. Yaciongolola, yankunkulusya nu kunzikilinkanya umu viunguluwe.

Masamu 55:3

Nemo nkuzakaza uku ntete, pamulandu ni ngofyo zya anisi yane. Alino nu kunzyuluka kuno aipe yakunzyuluka. Ali yano yakundetela amalanda. Yansokela nu kumpata yampata.

Masamu 88:16

Icipyu cako caticimvungola, ingofyo zyako izikulu zyatizingonona.