Yobo 30:1 - Amazwi Yakwe Leza 2013

¹ “Lelo ndakai yakunsoweka, ance yano ndusile imyaka yakuvyalwa, yao yano nasuzile akwasi yao wakwe cimwi, icakuti intange indeke yasimbwa yao yasunge imfwele zyane.

Yobo 30:1 Referans Kwoze

Yobo 12:4

Na yacuza yane kwene yakunseka. Nanti angala napapasile kuli Leza nga nawe angasuka, nene wakaele, uwaula umulandu ku muntu, lelo yakanseka.

Luka 23:35

Antu iimilila, yala yakulola, nga intunguluzi zya Ayuda ala zikumusoweka, zikuti, “Watuulanga auze, lekini aituule umwisikulu ndi cakuti wene ali Katuula wino Leza wasolola!”

Masamu 69:12

Lyene iyikalila nu kunjambilapo, apa mpongolo zya musumba. Na akolesi iyanjimba nu mu nyimbo.

2 Yamwene 2:23

Lino wafuma kuku Elisya aya ku Betele. Nga lino akupita mu museo, alumendo yamwi yafuma mu musumba uo nga yamusoweka yati, “Fuma pano, cilipala we! Fuma pano, cilipala we!”

Tito 1:12

Mwina Kulete umwisikulu, wenga uwa muli yakasema yao, uwavwanzile cumi lino wavwanzile ati, “Aina Kulete yene lyonsi antumpu. Yene yakoline wa vilyanyi. Yene yalilikisya nupya akasu.”

Milimo 17:5

Lelo Ayuda yuvwa uzuwa nga yakonganika antu yamwi asilesile amu misolo atali na mulimo wakuomba yapanga iumba lya mpanzela. Yaponya impanzela mu musumba onsi, yazanza ing'anda ya muntu uwi zina lyakwe Yasoni, umukwezya kulonda Paulo na Sailasi yafumiwe panzi ku antu.

Luka 23:39

Wenga uwamu vipondo ivyatanyilwe nawe amusoweka, ati, “Uzye usi wewe Katuula uwalavilwe? Ituule wemwisikulu nga utuule naswe!”

Luka 23:18

Iumba lyonsi lisanzika izwi liti, “Leka umuntu wii akomwe! Tusapwile Balaba!”

Luka 23:14

ayanena ati, “Mwati muleta umuntu wii kunondi wino mukuti akutunkola antu. Nati mpitulukamo mu mulandu wakwe nkolelo inu. Lelo ntamuzanyile nu mulandu pa vintu vyonsi vino mwati mumulongwela.

Mako 14:65

Alino yamwi yatandika kumuswila mati, nu kumuvimba pa manso nu kumuma yavwanga yati, “Ale tunganya! Uzye aweni uwakuma?” Lyene asilika nao yamusenda yamuma.

Ezaya 3:5

Antu yalacuzyanya, umwina nu mwina, umwinipamba wenga nu muze. Ana yanono yalakatukila aikolo. Iviwelewele vya antu vilasangukila yasimucindikwa.

Yobo 30:2

Nanti sile amaka yao yatakweti incito, yatange yambombele nanti cimwi.

Masamu 119:51

Avilumba lyonsi yakulu kunsuula, lelo nemo ntafuntuka ukwi sunde lyako.