Yobo 29:5 - Amazwi Yakwe Leza 2013

⁵ Yawe Wamaka yonsi, wikalanga nani nga na ana yane nayo ala yati yandizizya.

Yobo 29:5 Referans Kwoze

Masamu 128:3

Umuci wako alakolana nu mutingi ukaseekesya, umu ng'anda yako. Ana yako nayo yalaya wa tululembelya twamu olivi.

Lwimbo lwakwe Solomoni 2:4

Wansenzile ku ng'anda ya muteweto, ulunga lwakwe luno wimike pali nene lwali ulukundo.

Masamu 30:7

We Yawe, ala uluzango lwako lwantongamika apa mwamba ukome, ndi wamfutatila lyene nani pasi pantete.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Mateo 9:15

Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

Yelemiya 14:8

Awewe sile wenga wemuno aina Izlaeli yakupaalila munuli. Awewe ukatutuula lino twacula. Uzye lyene pacani cino waya wa mwenyi umu mpanga, nanti wa mulendo akutuwilizya sile uwanda onga?

Mapinda 17:6

Icilongwe ca yakote, ana ya ana yao. Ucindami wa ana, aisi.

Masamu 43:2

Pano awewe Leza, wewe ukancingilila. Nga fwandi icani cino ungantazyelela? Cino ningapita umukungumale icani, pamulandu sile wa anisi yane?

Yobo 23:3

Si cange cizipe imanye kuno Leza akuzanwa, kuti nkafike kuno akaikala!

Yobo 29:4

Yaya yali amanda yano nali nu ukankala wa ulumendo wane. Na Leza wacingililanga ing'anda yane.

Yobo 29:6

Iviteekwa vyane vyavovomokanga iziya lino nailyokezyanga. Mafuta yakwelekela nayo yapongolokanga ukufuma umu musili wa mawe, kwati utunguzi sile.