Yobo 29:3 - Amazwi Yakwe Leza 2013

³ Leza wali nani lyonsi nu kunkozezya, ali wino wankozezyanga uluswepo lino nkupita umukanda.

Yobo 29:3 Referans Kwoze

Masamu 18:28

We Yawe, awewe ukakozya uluswepo lwa umi wane. Leza wane we muno ukankozezya umu kanda.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Yobo 18:6

Uluswepo umwakwe lukazima. Nu lukozyo ulukamukozezya nalo kwene lukazima.

Efeso 5:8

Mpiti mwali wa antu akaikala mu mfinzi, lelo ndakai mwemwe antu amu luswepo pano mwemwe antu ya Mwene. Acino mwacita vintu wa antu amu luswepo

Yoane 12:46

Nemo niza wa luswepo lwamu nsi, kuti wino wensi wantaila atakikale mu mfinzi.

Yobo 22:28

Lyene ulaya nu longo mu mulimo onsi uno ulelengaya ukuomba, alino nu luswepo lulayengesela umu nzila yako yonsi.

Yobo 11:17

Uwikazi wako ulawala ukuluta navino ilanzi likawala lino lyafika apakasi kamutwe. Uwikazi wako ulasenula imfizi ukuya pali namukokolo, uku macaca.

Mapinda 24:20

Pano umuntu mwipe wene wala wasyama, casila atakweti uyo.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Ezaya 2:4

Alapingwila imitundu yonsi iya antu, nupya aliwe alakaulula imitundu ivule wakwe cimwi, yace yasuke yatole ivipeni nu kusulamo amase, nga na masumo yao nayo yakasulemo ivikwakwa. Kutalatala nupya kuyeko umutundu ulakatukila uuze, nanti ukusambilila ivyankondo.

Mapinda 13:9

Antu aololoke yakoline wa luswepo ulukayengesa wakwe cimwi, lelo antu aipe yali wa nyali zino zikazimantukila.

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Masamu 23:4

Nanti ningapita umu mukonko umufitisye, awe cumi ntange noope iciipe icili consi, pano we Yawe uli nane. Insonzo ni ntuwa yako vikancingilila.

Mapinda 20:20

Wino uwatipwila isi nanti nyina, ulukozyo lwakwe lulazima pakafite nafititi.

Masamu 4:6

Aingi yakati, “Ntanzi ngaweni angatupeela ulongo We Yawe, sungala utulolekesye luseluse!”

Yobo 21:17

“Ale lelo uzye mukalola ilingi ukuti uluswepo lwa muntu mwipe lukazima? Nanti uzye caseeka uku umuntu mwipe ukuponelwa ni syamo? Nanti uzye mukatala imulola kuno Leza, mu ukali wakwe, wonona ivyuma vya muntu mwipe?

Masamu 18:29

Lilyo lino wemo wangazwa inkaomola amalinga nu kuzanza anisi yane. Lilyo lino Leza wangazwa ningacimvya anisi yane.

Masamu 112:4

Uluswepo lukakozezya umufite uku antu asuma, kuli yao a luse, ankumbu nupya alungami.