Yobo 23:13 - Amazwi Yakwe Leza 2013

¹³ “Umweneco ataya na kwaaluka, ndi watemwa ukucita icili consi aweni angamulesya? Wene akacita consi cino akasi.

Yobo 23:13 Referans Kwoze

Masamu 115:3

Ala swemo Leza witu waya umwiyulu, akacita na vyonsi vino atemilwe.

Mapinda 19:21

Amapange yavulisya umu mwenzo wa muntu, lelo amapange ya Mwene yene yakafikiliziwa.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Ezaya 46:10

Ukutandikila sile na pa mpiti nemo nkavwanga calimwi ivili nu kucitika. Ukutandikila sile na pa mpiti nemo nkalondolwela calimwi ivili nu kucitika. Nkalanda ukuti vino nkapanga ukucita ala vilacitika. Nkacita na vyonsi vino nkulonda ukucita.

Yobo 12:14

Cino wene waongolola kutange kuye uwa kucikuula, wene nga wanyepa umuntu kutange kuye angamusapula.

Kasambilizya 3:14

Namanya ukuti vyonsi vino Leza akacita viikalilila amanda pe. Kusi nanti umuntu umwi angungilizya cimwi pa vintu vivyo. Cino Leza wavicisile apakuti swe antu twamoopa.

Masamu 135:6

Vyonsi vino Yawe akalonda ukucita ali vino akacita umwiyulu na muno nsi, muli yayemba nu mu matenga yonsi.

Kasambilizya 1:15

Utange uolole cintu icinyongane, utange upende ivintu ivisipo.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Loma 9:19

Umwi uwa munomuli anganguzya ati, “Ndi avino caya, uzye lyene pacani Leza angatupeela mulandu? Uzye aweni angalesya Leza kucita cino akasi?”

Yobo 34:29

Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!

Yobo 11:10

Leza ndi cakuti watile akwame, akolonganike na antu apakuti akupeele umulandu, uzye kungayako umwi uwakumukanya?

Yobo 10:7

Nu kumanya wamanya ningo sana ukuti nene wakaele. Wamanya ningo ukuti kutalatala kuye umuntu nanti umwi wino alezya ukumfyombotola ukufuma mu makasa yako.

Yobo 10:13

Awe fwandi lyene alino namanya ukuti ivintu vyonsi vii, wavisunzile sile umu mwenzo wako wa nkama.

Yobo 23:12

Nemo lyonsi nkawaka amasunde yakwe yano akanena. Vino akalonda ali vino nkacita. Asi vino nemweneco njitemilwe.

Yobo 23:14

Pano umwisikulu wamanya vino alancitila, ndi muno amapange yakwe avule yayelile.

Ezaya 46:11

Ale mwalola asi papo natinaama umuntu umwi ukufuma ku ufumondaka. Wene amaiza watavuuka wakwe lyang'anda apa kwika. Umuntu wiyo uwa kutali ali wino amaiza acita vino nemo napanga ukucita. Anene navwangilapo nu kucitika ali vino vimaiza vyacitika.