Yobo 22:23 - Amazwi Yakwe Leza 2013

²³ Ndi wala waweluluka kuli Leza Wamaka yonsi, waicefya nu kuizilizya umukasi ka ng'anda yako,

Yobo 22:23 Referans Kwoze

Zakaliya 1:3

lelo ndakai ne Yawe Wamaka Onsi nkumunena ukuti welelini kunondi, nga nani namawela kunomuli.

Yuda 1:20

Lelo mwe yacuza yane akundwe, twalililini kukula mu utailo winu wamuzilo. Pepini mu maka yakwe Mupasi Wamuzilo.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Kolose 2:7

Ikini misisi munoli, nu kuleka kuti wene aye mufula wa umi winu. Muye akomeleke mu utailo winu, wakwe vino mwasambiliziwe. Nupya mulinzile kutaizya cuze.

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Ezaya 33:15

Ala mungapusuka ndi mwatandika ukucita ivyaololoke nu kulanda ivyacumi. Fwandi mutaya nu lwiswa umu kulonka ivyuma ku alanda, nupya mutapokelela amafukakanwa. Mutaezya ukuvwana na yacikoma, nanti yayo akacita iviipe.

Ezaya 31:6

Nupya Leza wavwanzile ati, “Mwe ina Izlaeli icumi mwaifya wakwe cimwi kunondi, mwalunda penepo nu kuntalamila. Ali cino fwandi welini kunondi.

Ezaya 19:22

Yawe alatuma impungo umu Eguputo, lelo wene alayapozya. Alino nayo yalaswilila kuli Yawe, nga nawe aluvwa ku mipapatile yao nu kuyapozya ace ayapozye.

Yobo 18:15

Lyene umuntu ali wensi angikala mwi taalu lyakwe, pacisila cakulisansa na maluti akuliswefya.

Yobo 12:14

Cino wene waongolola kutange kuye uwa kucikuula, wene nga wanyepa umuntu kutange kuye angamusapula.

2 Milandu 33:13

Yawe nawe ali pa kuvwa uku papata kwakwe, nga amwasuka. Lyene Yawe aleka kuti aswilile ku Yelusalemu ku kuteeka nupya. Alino Manase asininkizya apaswe ukuti umucumi Yawe ali Leza.

Masamu 130:4

Lelo wemo ukaelela amaifyo, caleka swemo tukakoopa nu kukupeela umucinzi.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.