Yobo 21:25 - Amazwi Yakwe Leza 2013

²⁵ Yauze nayo yakafwa ni cikonko umu myenzo yao. Ala yatenzi umi uwakucululuka, nu kuilizyanya apamulandu wakukana kwata uluzango umu umi wao.

Yobo 21:25 Referans Kwoze

Yobo 7:11

Ali cino fwandi nemo intangentale intuzye foo! Nene musoke sana nu kusasila nene musasile, nga nkuilizyanya pano nkunyunguluka mu umi wane.

Ezekelo 12:18

“We mwana wa muntu, lino ukulya cakulya ulinzile wazakaza, na lino ukumwa amanzi wakankama pamulandu ni coopo.

Kasambilizya 6:2

Leza apeela umuntu icuma, ucindami, nga ni vikwatwa, ee ni vintu vyonsi vino umuntu akalonda. Lelo Leza asilenga kuti umuntu ailyokezye pa vintu vivyo. Umwenyi aliwe aliza ailyokezye pa vintu vivyo. Cii, icasilesile, nupya cisi cisuma.

Mapinda 14:10

Umwenzo ukaimanyila onga ivikucuzya, nupya patangaya nanti wenga angamanya ndi watiuzanga.

Yobo 20:23

Apa kasita kaka kwene kano wakwatisya icuma, ali lino Leza nawe akamuvungatila nu kumupamola.

Yobo 10:1

“Apamulandu wakuti nemo lyene caticifuula ukwikala pano nsi, fwandi nkanalukuilizyanya sile.

Yobo 9:18

Asimpela na kasita akakuti impemwile, lyonsi sile umu umi wane akandundila ukucululuka.

Yobo 3:20

“Uzye pacani uluswepo lukapeelwa ku antu ali mu ulanda, nu umi ku myenzo ikunyongotoka?

1 Yamwene 17:12

Mangu wilya avwanga ati, “Awe kulanda icumi, pali Yawe Leza wako uwa umi, nemo ntakweti umukate nanti onga. Lelo nkweti sile usu unono mu mpakwilo alino nu tumafuta tunono mu musazi. Nemo nizile kuno ku kusweyelezya inkwi pakuti lino namaya uku ng'anda, inje nkeleke icakulya icakuti nene nu mwanane umonsi tulye, nga twalolela ukufwa.”

2 Samueli 17:8

Wemo umanyile ukuti so Davidi na antu yakwe akome mu ulwi nupya yakalwa wa cinyama icakolana ni ciuli, cino yatiyatolela utwana. So aumwi inkonkotela ya ulwi. Wene atangalinda usiku pamwi na asilika.

Yobo 21:24

Yakafwa ala yali atelepe aine, ni mimfyompo ala icilimo umu mafupa yao.

Yobo 21:26

Lelo nanti cingaya vivyo imfwa yene ili yonga sile, nu kuzikwa yonsi yakazikwa icili conga umu musili. Ni ngonyo iziyalya yonsi kwene.