Yobo 21:14 - Amazwi Yakwe Leza 2013

¹⁴ “Antu aipe yene ali yano yakanena Leza yati, ‘Swemo ule utute swenga! Tutakasi kuti watupingula nanti ukutunena ivyakucita.

Yobo 21:14 Referans Kwoze

Yobo 22:17

Antu yaya nu kwipa kwao, yanenanga Leza yakuti, ‘Senka pano!’ Nupya yavwanga yati, ‘Uzye Leza Wamaka yonsi angacita cani kunotuli?’

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

Masamu 10:4

Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”

Mapinda 1:29

Mwasuuzile ukwiluka, mutakasi nu kutontelela Yawe.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Luka 8:37

Lyene antu yonsi amu mpanga izingulwike Gelasa yapapata Yesu kuti afume mu mpanga yao, pano yuvwile intete cuze. Caleka Yesu apatama mu wato afumako.

Luka 8:28

Lino walola Yesu apunda, afukama pa ngazo zyakwe Yesu alaizya ati, “Yesu we Mwana wakwe Leza uwa papelapela! Uzye ukulonda cani kunondi? Nakupapata, utancuzya!”

Habakuku 1:15

Aina Babiloni yakaiza nu kulyombeleka antu uku maswelo, ungati yakuswela inswi, nu kuyavuwila ku masumbo umu mato, nga ala yatiyazanga wakwe cimwi.

Mapinda 1:22

“Mwe mbulwamano mwe! Mulasya umbulamano winu ukufika lilaci? Mulata lilaci ukusuula ne malango? Uzye mulasyalilila awelewele vivyo kwene?

Mapinda 1:7

Ukoopa Yawe ili ntendekelo ya malango. Iviwelewele ivikasuula amano nu kusundwa.

Masamu 10:11

Umwipe akaelenganya umu mwenzo ati, “Leza atasakamile! Watazyata amanso nga atangatale andole!”

Yobo 34:27

apamulandu nu utalami wao ni misuli uku masunde yakwe.

Yobo 35:10

Lelo kusi nanti wenga akavwanga ati, ‘Uzye Leza kaumba wane ali kwi, wiyo akaleka ukuti inyimbo zya luzango zyuvwike usiku.

Ezaya 30:11

Mwemo mwatusenkela umu nzila, mutatucinga foo. Mutatupalizya na matwi umu kuvwanga vyakwe Leza winu, Wamuzilo wakwe Izlaeli.”

Yelemiya 9:6

Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.

Masamu 95:10

Apa myaka amakumi yani umukulo ulya wansosizye, usuka umvwangula inti, “Ala mutundu we nizewanya! Mwakana ukuvwa ukunzila zyane!”

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?