Yobo 20:7 - Amazwi Yakwe Leza 2013

⁷ lelo wene alongoloka sile wa muyeye. Na yayo amumanyile yatandika nu kuuzya yati, Mwe, uzye umuntu wilya waya kwi?

Yobo 20:7 Referans Kwoze

Masamu 83:10

Wayacimvisye uku Endoli, ni vyala vyao apano vyatikite wakwe citindi.

Yobo 14:10

Lelo umuntu ndi cakuti wala wafwa, asiya na maka awe. Uzye umuntu lino wata ukufuuta, wene akaya kwi?

2 Yamwene 9:37

Ivyasyala kweneko vilasyala wakwe citindi, pakuti kutakaye nanti wenga uwa kuvimanya ukuti ivyakwe Yezebele.’ ”

1 Yamwene 14:10

“‘Pamulandu wakwe cii, ndaleta uzanzo pa amu mupanda wako, we Yeloboamu. Ndonona umonsi wensi uwamu mupanda wako, umuzya nanti umuntungwa kwene. Ndalovya amu mupanda wako we Yeloboamu ndi vino umuntu akasisya citindi wensi pyu api yanza.

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Yobo 8:18

Lyene kalolo wiyo ndi cakuti wamwipa, kusi nanti wenga angiza amanye ukuti wali paa.

Yobo 7:10

Atangatale aweluluke nupya uku ng'anda yakwe, ni cifulo cakwe kwene cilamwilila.

Yobo 4:20

Umu nsita zya katondo yazanwa apuma. Lelo apakuti kawe ala yatiyafwa mpiti, nga kusi nu wakuyiusya.

Yobo 14:20

Ukamala umuntu amaka mpaka asila nu kusila, pa manso ipasuluka nu kumusumba umusumba ukutali.

Yobo 27:19

Apa nsita imwi yakusyalikizya akama yayo yalalambalala pansi, lino yacili nu ukama, nga lelo lino yalazyuka, yaliukila sile pasi nanti conga apa vyuma vyao.

Ezaya 41:12

Yano yamamukatusizyanga inkondo yafume pano nsi. Nanti mwezya ukuyalondelezya, awe cumi yatange yaloleke pano nsi.

Obadiya 1:4

Lelo nanti mungapapuka umupela wakwe lyang'anda, nu kuluka ivinsanzo apakasi ka ntanda, nemo ndamusamula nu kumuponya wa maleka. Avino Yawe wavwanga.

Yobo 14:14

Uzye umuntu ndi wafwa, angaya nu umi nupya? Ndi cakuti ali vino cingaya nemo fwandi apa manda yonsi yano ningakuombela ningalolela ukufika napa nsita ino amalanda yane yangansilila.

Yobo 21:28

Mwemo mwatimutandika ukuuzyanya mukuti, ‘Uzye ing'anda ya mukulu wilya iyelile kwi? Mu ng'anda umwikalanga antu aipe aumwi?’

Masamu 41:5

Anisi yane yakuvwanga itolo kunondi, “Uzye alafwa lilaci pakuti akililike?”

Masamu 112:10

Antu aipe nga yalola vivyo, yene pasi pakusoka, iyataka nu kulumanya incecete, nu kusalangana ala yasalangana. Icacumi ivikataila aipe vilasililikila