Yobo 20:26 - Amazwi Yakwe Leza 2013

²⁶ Vyonsi vino wakwata vikaononeka, ku moto uno antunze yatangazimya, ali uno ukasyala ukumalila ivyuma ivyaya umwakwe.

Yobo 20:26 Referans Kwoze

Masamu 21:9

Nga waca waloleka sile, alayonona wa cininkwa camoto. Yawe alayalovya uku ukali wakwe, nu moto nao ulayamalilila.

Masamu 120:4

Alamuvunuka uku nceto izisongole izya vita, nga nu ku makala anyesuke cee amoto!

Yuda 1:13

Yakolana na maimbi yamaka apali yemba, ni vicitwa vyao vyansonyi vikaloleka wa kufuluma kwi tomvu. Yakolana ni ntanda zikazeuluka. Antu yaa, Leza wayateyanyizizya icifulo ca mfinzi ikomesye iyape.

Mateo 8:12

Lelo antu yano yange yaye mu wene yene yalasumbwa kunzi mu mfinzi, mumo muno yalalila nu kulumanya ncecete pamulandu wa kuwaika.”

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezaya 8:22

limwi iyatumbwila sile amanso pansi. Awe cumi icauwelewele sile, iyazana imfinzi, nayo iyamalanda sile. Apa nsita iyo iya cimvulunganya, antu yatalalola apakufyonsezya.

Yobo 5:14

Nanti sile umusanya apakasi, yangatandika ukupulupunta kwati umu kanda.

Yobo 15:30

Atangafuma umu kanda. Icimbilimbili cilumika insaala zyakwe. Umuza ulasenda maluwa yakwe.