Yobo 20:18 - Amazwi Yakwe Leza 2013

¹⁸ Lyene ala wasya vyonsi vino walonsile pano nsi. Kusi kuti nupya akalole pano angazangila pa vyuma vyakwe.

Yobo 20:18 Referans Kwoze

Yelemiya 51:44

Nemo lyene namavunuka Beli, leza wa ina Babiloni. Namamupokolola ni vyuma vyakwe vya wivi. Antu ya mitundu yuze ale lyene casila yasikumupepanga, awe. Na malinga yakwe Babiloni yalaongoloka!

Yelemiya 22:13

Kalanda ku muntu wino akakuula ing'anda yakwe umu kuntacita vyaulungami, ni miputule yakwe kwene yapapela ukwaula ulungami, wiyo wino akaomvya auze lutu, nupya wene asiyalipila apa milimo yao.

Mapinda 1:12

silekini tuyamile yacili apuma, ndi vino ilindi likacita, nupya wakwe yao akwikwa umu ciwina.

Yobo 20:15

Wene umucenjezi nupya akaiya ivyuma vya antu, lelo ivyuma vivyo vitanga mutumbwila nanti cimwi. Uzye lyene asi a Leza akamupokolola ivyuma vivyo?

Yobo 20:10

Ana yakwe ayano lyene iyaca yaculilamo, umu kuwezezya antu ivyuma vino umwipe wiyile alanda.

Mateo 23:24

Mwe ntunguluzi mpafu! Mwemo mukatekela nu kufumya kazizi muli vino mukumwa, lelo mumicitile inu iipe mukozile kwati imumila ngamila ipuma.

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Yelemiya 51:34

Nebukadineza umwene waku Babiloni waputozile Yelusalemu nu kumulya. Wene wamalizile umusumba kwati awiya wino akukombesya umu ntendo. Wataumila kwati a musato, nu kuzuzya indilwa yakwe. Watasumba ivyasyala

Yelemiya 22:17

Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

Yobo 31:29

“Nemo ntatala nasekela mwenemo, apakulola kuno anisi yane yasyama, nanti ukuzanga apakulola kuno anisi yane yazanzwa.

Yobo 31:25

Ntatala nakwata icilumba apamulandu nu wingi wa vyuma vyane.

Yobo 20:5

isyuko lya muntu umwipe lisitala ilitantalila, ni nsansa zyakwe cisangoka zikalengela sile akasita kanono?

Amosi 8:4

Uvwini vii, mwemuno mukalyatola yayo aulilwa, mwemuno mukalonda ukonona apina amu mpanga kwene ii.

Oseya 9:1

Mwe ina Izlaeli mutazanga! Mutazevya ni nsansa ungati izya antu ya mitundu yuze. Mwemo mwasya Leza winu wa mwanaci akalongozya. Mwemo mwaikazya kuli Baali wakwe yacizelele, kuti mukapelwe imbezu zipule izingi.

Ezekelo 7:12

Insita yafika. Wanda wapalama. Uculuzi wakukala ivintu nu kuvikazya umasila, pano Leza amakatukila yonsi ukali ukali.

Nyimbo zya ndosya 2:16

Anisi inu yonsi yakumusoweka nu kumutumbila inkansi. Yene yakulumanya incecete ala yakuti, “Ee, lyene twatitumonona! Uli wanda kwene uno twalolelanga! Lyene twasuka twazanwako.”

Yobo 27:17

vitakweti incito nanti imwi kunoyali. Antu asuma ali yano yalavizwala. Akayele ali yano yalankana na siluva wao.

Yobo 31:8

Lyene umwi kaize alye vino nakomiile, navino vyamela umu calo cane navyo kayaviipoole.

Mapinda 21:20

Umuntu wamano akaikala mukuilyokezya icuma icivule, lelo iciwelewele cikaonona icuma consi cino cakwata.

Malango 28:30

“Mulalanzya anaci nu kuyataisya, lelo aonsi yauze yalayasemya. Mulakuula amang'anda, lelo mutalalala mwenemo. Mulalema imiti ya matingi, lelo mutalatala mulye iviseekwa vyakweneko.

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo