Yobo 19:5 - Amazwi Yakwe Leza 2013

⁵ Ale fwandi kacali cili usi mulandu. Limwi mwemo mwalola ukuti namucimvya nanti namusinila umulandu uno nemo inkuculila mwenemo.

Yobo 19:5 Referans Kwoze

Masamu 55:12

Nga cali icakuti umwanisi awino akuncuzya, nemo ntangasakamala foo. Nanti nga cali icakuti awenga pali yano twapusana awino akuitutumula kunondi ningafisama sile.

Masamu 38:16

Utaleka anisi yane yayuvwe panondi, utaleka yuvwe icilumba kunondi, ndi cakuti ulwazo lwane lwasyelemuka napona!

Masamu 35:26

Yano yakasansamukila api syamo lyane, kayaye ni nsonyi uleke na mano yao nayo yayapele. Aikala kwati yanduta, leka insonyi ziyaleme, yazewane nu kuzewana!

Yoane 9:34

Nao yamunena yati, “We muno wavyalwa nu kukula mu maifyo, uzye ukwelenganya vino ungasambilizya sweswe?” Alino yamuzinga mu ng'anda ya mapepo.

Yoane 9:2

Alino alondezi yakwe yamuzya yati, “Kasambilizya, uzye amaifyo yakwe weni alenzile kuti umuntu wii avyalwe impafu? Uzye amaifyo yakwe wenga nanti amaifyo ya akwasi yakwe?”

Luka 1:25

Elizabeti avwanga ati, “Ndakai Mwene wataya na mizu kunondi, wanzeulula insonyi ku antu.”

Zakaliya 12:7

“Ne Yawe ndaleka ivita vyaku Yuda vikatale vikacimvye anisi, apali pakuti umucinzi uno ana yakwe Davidi yalakwata pamwi na ikazi amu Yelusalemu, utakacile umucinzi uno Ayuda yauze yonsi yalakwata.

Zefaniya 2:10

Vivyo ali vino antu amu mpanga ya Moabu na ina Amoni yalavunukwa pa kuituumika nu kuya ni cilumba, pa kutuka nu kusoweka antu yakwe Yawe Wamaka yonsi.

Mika 7:8

Mwe anisi yitu mutatuseka. Nanti angala twatitupona, lelo tumakatuka. Nanti angala twatitwikala mu mfinzi, Yawe ali luswepo lwitu.

Ezaya 4:1

Mu wanda ulya anaci cinimbali yalalema umonsi wenga nu kumunena yati, “Tumailisyanga nu kuizwika swenga, cikulu sile swemo twaamilwa ukwi zina lyako, wemo watuzeulula insonyi!”

Masamu 41:11

Ali muno ndamanyila ndi vino wantemwa umu cumi, umwanisi wane atakatale akayuvwe pali nene.

Neemiya 1:3

Nayo yangasuka iyati, “Antu yayo asile pasi pakucula alino ni nsonyi. Iciumba icazinguluka Yelusalemu cawa nu kononeka, alino ni mpongolo zyakweo nazyo zyapya zyonsi pyu!”

1 Samueli 1:6

Penina, umuci muze wamusinkolanga nu kumuzewanya, pamulandu wakuti Yawe atamupiile ikwata.

Yobo 19:4

Ndi cakuti naponga, nanti naluvyanya, icani fwandi icingamuwaya namwe?

Masamu 55:13

Nga lelo akuno wewe kwene we munji, we cuza wane nupya wino twatemwana, we muno wakama na manzi!