Yobo 19:14 - Amazwi Yakwe Leza 2013

¹⁴ Antu yane na yacuza yatiyantazyela. Yano napokelelanga ukwane nayo yatiyanjilila.

Yobo 19:14 Referans Kwoze

Masamu 38:11

Ivyuza vyane, na inipamba lyane, yati yantaluka apamulandu wa vilonda vyane.

Yoane 13:18

“Ntakulanda pamulandu wakwe mwemwe mwensi. Manyile yao yano nasolola. Lelo ilembelo lilinzile lifikiliziwe, lino likati, ‘Umuntu wino akulya pamwi nani watankatukila.’

Mateo 10:21

Antu yalakoopa aina yao aonsi kuti yakomwe. Mu musango uli onga na yaisi yalakoopa ana yao. Ana yalakatukila akwasi yao nu kuyakomisya.

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Mapinda 18:24

Yacuza yamwi yakatutwala ukwilovyo. Lelo yacuza yamwi yaluta nu kulemana kwa lupwa.

2 Samueli 16:23

Mu manda yalya umpandamano uno Aitofeli wapeelanga wali ungati amazwi akufuma kuli Leza umwisikulu. Davidi na Abusalomu yoili kwene avino yaulolanga.

Utandiko 40:23

Lelo mukulu wakwe yakatumikila ya lwako lwakwe waini atiwisye Yosefu, wamwilile.

Yobo 19:15

Aomvi yane, yamama akaomba ukwane yatakuncindika, na yakapempula yane yonsi yakundola sile wa mwenyi, kwati yatamanyile.

Yobo 19:19

Yaya kwene yano yali yacuza yane, ali yano yakumfinda. Yano natemwisizye, ali yano yatiyamfutatila.

Nyimbo zya ndosya 1:2

Yano yasiile mwenemo yakulosya uwaca nu wila. Aminsozi yakulukuta sile umu vipa nu kutemukila pa matama yao. Apa antu yonsi yano ayatemilwe, pasi nanti wenga wiyo wakuyamyalalika. Yacuza yao yatiyayasangukila yonsi pyu. Lyene ayayo iyaya anisi yao.

Yobo 42:11

Aina yakwe aonsi na yakaci yakwe yonsi, kumwi na yacuza yakwe ampiti, yiiza uku kumulola, nu kwiza ipakizya pamwi nawe umu ng'anda umwakwe. Ala yakumuvwila ulanda nu kumutekezya umwenzo apa macuzi yonsi yano Yawe wamuletile. Yonsi kwene, cila muntu, asya wamupeela impiya nga ni mbalaminwe yakwe zaabu.

Masamu 31:12

Umuntu wensi watanjilila, ungati nene musipwa. Indi wa ciinga cino yatiyasumba apa citumba.