Yobo 19:13 - Amazwi Yakwe Leza 2013

¹³ “Ainane nayo yangutuka yonsi. Alino anji nayo yakundola wa muntu umwenyi.

Yobo 19:13 Referans Kwoze

Masamu 88:8

Watuleka nu kuti anisi yane yansangukile, watuncita ukuya icamuselu kunoyali, natinjalilwa cakuti nkuposiwa nu kwa kufumila.

Masamu 88:18

Wemo wafuntusya kunondi yacuza yane, kumwi na akundwe yane. Lyene akanda katupu ali cuza wane.

Masamu 69:8

Nemo uku inane lyene naya sile wa mwenyi. Naya wa mwinamasi ku ana yakwe mayo.

Masamu 31:11

Anisi yane yonsi, makamaka ainipamba, yene yakansausya. Na yayo amanya yakundeoka. Nga yandola sile umu museo, yutuka!

2 Timoti 4:16

Kusi umuntu nanti umwi uwali ku mbali yane nkolelo lino naipokolwile mu cilye. Onsi kwene yamfutatile. Nkupepa kuti Leza ayelele!

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Masamu 69:20

Intusi zyao, nemo zikundepola umwenzo, na kazwa nemo ntakwata. Nemo ntakwata. Nemo natailanga ukulola uwakundilila kweneko ulanda, awe cumi ntamuweni. Nanti uwakumyalalika umwenzo nawe kwene atalolike.

Masamu 38:11

Ivyuza vyane, na inipamba lyane, yati yantaluka apamulandu wa vilonda vyane.

Yobo 16:7

Cumi kwene, we Leza watumvungola sile. Watuleka nu lupwa lwane kuti lulowe.

Yobo 16:20

Yacuza yane yakunsoweka, nga nani nkalilila Leza.

Yobo 42:11

Aina yakwe aonsi na yakaci yakwe yonsi, kumwi na yacuza yakwe ampiti, yiiza uku kumulola, nu kwiza ipakizya pamwi nawe umu ng'anda umwakwe. Ala yakumuvwila ulanda nu kumutekezya umwenzo apa macuzi yonsi yano Yawe wamuletile. Yonsi kwene, cila muntu, asya wamupeela impiya nga ni mbalaminwe yakwe zaabu.

Masamu 41:9

Na yacuza yane kwene, apa mwenzo yano nataila kwene yano twalyanga nayo nu kumwa nayo, yati yansangukila.

Nyimbo zya ndosya 1:2

Yano yasiile mwenemo yakulosya uwaca nu wila. Aminsozi yakulukuta sile umu vipa nu kutemukila pa matama yao. Apa antu yonsi yano ayatemilwe, pasi nanti wenga wiyo wakuyamyalalika. Yacuza yao yatiyayasangukila yonsi pyu. Lyene ayayo iyaya anisi yao.

Nyimbo zya ndosya 1:19

“Nalaizye kuli yacuza yane, lelo yene yakanyile ukungazwa. Yasimapepo yane ni ntunguluzi yafwilile mu miseo ya musumba, muno yalondelezyanga vyakulya pakuti yatwalilile ukuya nu umi.

Yobo 6:15

Lelo mwemo mwatimunsomba wa mukuku wa manzi mu tunguzi, tuto utukapwa lino icisiku casila.

Yobo 6:20

Lelo ukupaalila kwako ukwa kuicuzya sile, pano yakati ndi yafika kweneko iyazana amanzi yapwa.

Masamu 31:12

Umuntu wensi watanjilila, ungati nene musipwa. Indi wa ciinga cino yatiyasumba apa citumba.

Masamu 38:12

Yao akalonda uku nkoma nayo yati yanteya inkose, na yao akalonda uku ncisa, yakungofya. Anene sile yikalile umusanya onsi ala yakumpangila.

Masamu 69:9

Pano umuzonda uno nakwata apa ng'anda yako umandya. Imisuula ino yakakusuula, yakailozya muli nene.