Yobo 16:21 - Amazwi Yakwe Leza 2013

²¹ Owe mwe! Kalanda kasikolo! Aukwi kuno ningalola umwi uwakumvwangila kuli Leza, ndi vino umuntu umwi angavwangila cuza wakwe?

Yobo 16:21 Referans Kwoze

Kasambilizya 6:10

Icintu consi icayapo cinikwe izina mpiti, nupya swensi twamanya ukuti utange upazyanye nu muntu wino akulusile amaka.

Loma 9:20

Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”

Ezaya 45:9

Kalanda kuli wiyo akulemanila na Kaumba wakwe, kuli wiyo akoline wa nyungu pakasi ka nyungu zyuze. Uzye ivu linganena nakamata liti, “Uzye ukumata cani?” Nanti limunene liti, “We nakamata, utakweti umanyililo!”

Yobo 31:35

“Owe mwe kalanda we! Uzye aweni angamvwangila kweneko, apakuti Leza anguvwe? Nemo nalanda vyavula. Wamaka yonsi awino casyalila ukungazwa. Umwanisi wane nga akuno ali, angatantika imilandu yane api pepala.

Yobo 13:22

Alino lyene ungame, nga nani namaasuka. Nanti leka imvwange nga nawe ungasuke.

Yobo 13:3

Ali cino nemo inkulonda ukulanda sile nu Wamaka yonsi. A Leza mutupu, ali wino nkulonda ukuvwanga nawe.

Yobo 16:20

Yacuza yane yakunsoweka, nga nani nkalilila Leza.

Yobo 16:22

Pano kwene ndi nati kandole imyaka ya umi wane, yasyala sile iyakupenda. Nasya ndondele inzila iyakuya kuno yasiwela.