Yobo 15:21 - Amazwi Yakwe Leza 2013

²¹ Impoma zya ngofyo zitalatala zite ukuvwika umu matwi yakwe. Nanti apupu kwene yakamuzanza insita ili yonsi ino wene atenekile.

Yobo 15:21 Referans Kwoze

Yobo 18:11

Fwandi ivyakumofya vyamutengamila monsi monsi, vyalimbikana nawe monsi muno angapita.

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

Aina Levi 26:36

“Ndalenga mwemuno mulaya mukikale mu mpanga zya anisi inu ukuya ni ntete cakuti ndi muvwa muza uulula inswaswa cilamulenga kuti muutuke. Mulautuka kwati yakumuzinga mu nkondo. Nupya mulapona pansi lino pasi mwanisi pipi na panomuli.

1 Kolinto 10:10

Tutalinzile kuilizyanya, ndi vino yamwi munoyali yacisile nga pacisila yononwa nu mungeli wa mfwa.

Umbwilo 9:11

Yene yakweti kateeka uwa kuyateeka, kateeka wii u mungeli wino akaangalila ciwina caula impela. Izina lyakwe mu Ciyebulai a Abadoni, nu mu Cigiliki izina lyakwe a Apolyoni, cikusenula, “Wino akaonona.”

Masamu 92:7

icakuti antu aipe nanti yangavula uli wi sote, ni ntalanganyi nazyo nanti zingasyuka uli, awe yene yonsi yalalowelela pyu.

Yobo 27:20

Ivintu vyakoofya vilayapumikizya wakwe mulamba akapongwela, nu mu nsita zya usiku nkungulupya ayulula.

2 Yamwene 7:6

Yawe umwisikulu uwalesile ukuti aina Asilya yuvwe icongo. Umu kuvwa kwao cuvwisile ungati icongo ca vita ivingi sana ivisenzile imfwalasi na maceleta. Aina Asilya ali pakuvwanga yati, “Uvwini icongo, umwene waku Izlaeli watalalika umwene wa ina Hiti nu waku Eguputo pamwi ni vita vyao apakuti yize yatulwisye!”

Yobo 15:24

Akanda kakamoofya wakwe cimwi. Ucuzi nu ulanda vyaya panoli, kwati umwene uwaya uku nkondo.

Yobo 18:14

Lyene icisile ukumukululwila apanzi, ukumufumya umwakwe, nu kumutakanya apa kumutwala ku mfwa, umwene wa ngofyo zyonsi.

Yobo 20:21

Apa mulandu wakuti kutali nanti wenga uwapuswike uku kuitemelwa kwakwe, nu kukupunuka, ali cino fwandi, ni vilonkwa vyakwe kwene kutange kusyale nanti conga.

Yobo 22:10

Ee, lyene kucilole! Ali cino amasyamo yonsi yaa yatiyakwizila. Ali cino lyene ni ntete zyatizikulema.

Yobo 24:17

Yonsi yao, yakautuka uluswepo lwa kasanya. Alino imfizi yene yataikwatila intete foo.

Mapinda 10:24

Antu akacita vyaololoke yakakwata vino yakulonda, lelo antu aipe yalakwata ivikayaletela intete wakwe cimwi.

Esita 7:6

Esita nawe aasuka ati, “Umwanisi witu uwatuzunya a Hamani, umunkalwe wiyo!” Lyene Hamani auvwa intete cuze apa manso ya mwene na namwene.

Mapinda 28:1

Umuntu mwipe akapuuka, ala pasi na akumuzinganya. Umuntu musuma wene wapama wakwe cisama.

Yelemiya 6:26

Yawe wavwanga ku antu yakwe ati, “Mwe antu yane zwalini vizwalo vya ndosya munyepe ni mipango mu mitwe. Losyini, pomolini impooma wakwe vino yakaloosya umwana umonsi uwavyalwa sile wenga mpo. Pano umononyi amaiza amwiukizye.