16 Alino lyene ungaceceta ni mipitile yane yonsi, ukwaula lyene ukulondelezya na maifyo yane.
Uzye icani cino wemo ukakonkelela ukuponga kwane? Uzye icani cino ukulondelezya ukwifya kwane?
Uzye Leza asilola imiyele yane yonsi, nu kumanya wamanya ningo imipitile yane yonsi.
Yawe akaceceta imipitile ya muntu cila nsita, ni nzila zyakwe akazilolekesyapo zyonsi pyu.
Wene akaceceta imipitile ya muntu, nu kulola cila lutampulo lwakwe.
Kunuli wakula wakwe cimwi mu vicitwa vyako. Ala wewe musambazi mu vicitwa vyako vyonsi.
Watanyepa amaulu yane umu minyololo, nu kusopa monsi muno nkupita.’
Apa kukongana yakafisama, yakanteyamila muli vyonsi vino nkacita apakuti yankome.
Wanyepelela amaulu yane umwi koli nu mu myando. Monsi muno nalyasile walondelezya, nu kupima apali ponsi pano ulwazo lwane lwalyata.
Lino nifyanga wancelekanga sile apakuti nemo ntakalole apa kufuntukila umukuponga kwane.