Yobo 14:1 - Amazwi Yakwe Leza 2013

¹ “Umuntu wensi uwala wavyalwa ku mwanaci, umi wakwe pano nsi utaya utantalile. Lelo umi kwene uo, wavulisya amalanda.

Yobo 14:1 Referans Kwoze

Yobo 5:7

Lelo umuntu ndi wavyalwa akazana ucuzi, wakwe vino ivyunyi vikaulolelwa ukupapuka.

Kasambilizya 2:23

Vyonsi vino umuntu akaomba mu nsita ya umi wakwe mutaya umuzano, lelo amasakamiko nu kuwavya umwenzo. Usiku nalyo kwene atangalola utulo. Ala cii icasilesile.

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Yobo 7:1

“Ala umi wa muntu pano nsi waya wa mulimo wakupatikizya sile. Na manda yakwe yaya wa manda ya muntu uwalembwa incito ya cibaluwa.

Utandiko 47:9

Yakobo aasuka ati, “Indi ni myaka umwanda onga na makumi yatatu mu umi wa kululumba kwane. Imyaka yane ili inono nupya iya ucuzi, ino itangakolana ni myaka ya kululumba kwa vikolwe vyane.”

Mateo 11:11

Cumi namunena vino, mu antu yonsi avyalwa mu nsi ii kusi umuntu wino alusile Yoane Kawatizya. Lelo wino ali munono mu Wene wa mwiyulu, wene ali mukulu kuluta Yoane.

Masamu 51:5

Kwene nemo navyalilwe umu luyembu. Lino mayo wanyomelile indilwa yane, nali umwipe.

Yobo 15:14

“Uzye kwene umuntu uwala wavyalwa uku mwanaci nawe waya umufumaluke? Uzye kungaya akacita vyaololoke lyonsi kuno ali?

Yobo 9:25

“Amanda yane yakulu kupita ulwilo. Yakulu kupita ukwaula nu kuti nemo insansamuke.

Yobo 7:6

Amanda yakusimula ukuluta navino icipikwilo cansalu cikapita. Yakupita ulwilo ukwaula nanti ukumpeela upaalilo.

Kasambilizya 2:17

Fwandi umi wane utantumbwilile nanti cintu cimwi, pano vyonsi ivyacitikanga mutali umuzano, suka sile intazi. Umi wane wali uwasilesile. Nazinganyanga umuza.

Masamu 39:5

Ala wemo wipimpanzya insita ya umi wane, uwakwikala pano nsi! Kuli wewe umi wane ukaloleka sile uwa ciwelewele. Nu mucumi umuntu wensi waya sile wa mupu,

Utandiko 3:17

Alino Yawe Leza anena umonsi ati, “Pamulandu wakuti wali uvwila umuci wako nga nu kulya iviseekwa vyaku muti uno namuinzile, musili watipwa pamulandu wako. Ulaombesya cuze pakuzana ivyakulya.

Yobo 10:20

Ale lelo, uzye amanda yane yatasizile? Wemo ule unte sile nenga! Leka mpemwile kweneko apa kasita kanono,

Masamu 89:47

We Mwene ala iusya ukuti umi wa muntu utatantalilila foo! Iusya ukuti antu yonsi yano wemo waumba aina kufwa!

Yelemiya 20:18

Uzye lyene pacani cino nemo navyalilwe? Uzye apamulandu sile wakuti inje umu ntazi na malanda, kuti imfwile umu kupupana?

2 Yamwene 4:19

Alino mukupumikizya umwana wiyo atandika kupunda kuli isi ati, “Nafwa umutwe! Nafwa umutwe!” Isi nawe anena umuomvi ati, “Mutwale kuli nyina.”

Yobo 8:9

Umazana ukuti swe ana yao tutange tukume nako. Umi witu pano nsi ukapita sile wa cinzingwa.

Yobo 25:5

Nga vino nanti umwezi kwene usiwala icifumaluke apa manso yakwe Leza? Nanti sile intanda, nazyo kwene zikazimantukila pa manso yakwe.

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.