Yobo 12:15 - Amazwi Yakwe Leza 2013

¹⁵ Ndi Leza walesya imvula ukutonya, ale kwaya icilala icikome sana. Nupya ndi wene wati kitonyesye, awe lyene insi ala yaundwa.

Yobo 12:15 Referans Kwoze

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

Umbwilo 11:6

Yakambone ya yali na maka akuyala iyulu kuti imvula itaca itonye mu nsita yakusema kwao. Nupya yakweti maka pa manzi kuyasenula yaye uwazi, nupya yakweti maka akuponyezya insi vilumbelo vya misango yonsi pa nsita yonsi ino yakasi.

Luka 4:25

“Kutikini kunondi, icacumi nkumunena ukuti kwali yamukamfwilwa aingi mu Izlaeli pa nsita yakwe Eliya, lino kwali cilala pa myaka itatu na citika. Lyene cipowe cikulu cuze caponyile mu mpanga yonsi.

Naumi 1:4

Wene akapeela yemba ilamulo, nga nawe apwa! Wene akakamya inguzi. Ni vimelwa vyamu vyalo vyaku Basyani nu ku Kalimeli avyumika. Na maluwa aku Lebanoni yafooka.

Amosi 5:8

Aliwe kwene uwapanzile intanda izikaamwa Pileyadi ni zikaamwa Olioni, aliwe kwene akaeletula akanda kuti kaye amacaca, akaeletula umusanya kuti uye usiku. Aliwe kwene akaama amanzi yapali yemba nu kuyapongolwela pa musili. Izina lyakwe a Yawe.

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Yobo 12:10

Ala umi wa vintu vyonsi ivikafuta waya umu minwe yakwe Leza, ndi vino nu umi wa muntu kwene waya.

Utandiko 7:11

Lino Nowa wafika imyaka imyanda mutanda pa wanda uwalenga ikumi na cinimbali uwa mwezi uwalenga iili, maziya ya muli yayemba yafukoka amanzi, ni vipongo vya mwiyulu navyo viyulika, na manzi yaafuma.

Utandiko 6:17

Namatuma imvula nga mulamba alazula insi yonsi nu kulovya ivya umi vyonsi ivyayamo. Vyonsi ivyaya panonsi vilafwa.

Utandiko 6:13

Nga Leza anena Nowa ati, “Nimpingula ukonona muntunze. Namaonona insi yonsi kumwi na aliyo, pano yatizulamo lwete ni nkota zyao.

Malango 11:17

Ndi mwacita cico, ale lyene Yawe alamusokela. Wene alalesyanya imvula kuti itatonya pakuti umusili ukaye umalale na kuti ivyakulya vitakamele. Lyene namwe mulafwa zuwa mu mpanga isuma iyo ino Yawe akumupeela.

Utandiko 8:1

Lelo Leza atilile Nowa ni nyama zyonsi zyamu mpanga, nga ni viteekwa vino wali navyo mu cange. Caleka Leza akatusya cipunga mu nsi, na mulamba atandika ukupwa.

Yobo 28:25

Lino Leza wapimile amaka ya muza, nu kupima yanande yakwe yayemba muno yapelela,

1 Yamwene 17:7

Lino papita insita imwi, uluzi ilukama pamulandu wakuti imvula itatonyanga mu mpanga ilya.