18 Ulaikala ku matwi cele ukwaula ukuvwa ivyakuuvwauvwa apamulandu wakuti ulataila penepo cimwi. Leza alakusunga nu kwikala ulaikala umutende.
Lino nkalambalala, nkakasula utulo mu mutende, pano awewe sile, we Yawe, wemuno ukansunga ningo.
Lyene nalambalala nu kukasula utulo. Nazyuka nupya akatondo, pano Yawe ali kasunga wane.
We mwenzo wane, icani fwandi cino ukungumalile vii? Icani cino ukunyongotekela? Tailanga sile muli Leza! Kande nalukumutaizya nupya kwene, pano wene ali Katula wane na Leza wane.
Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.
Umuntu mwipe uyi wakwe uli uno ukamuwisya, lelo wiyo akacita vyaololoke wene akazina mu vicitwa vyakwe ivisuma.
Amanda yakusimula ukuluta navino icipikwilo cansalu cikapita. Yakupita ulwilo ukwaula nanti ukumpeela upaalilo.
Uzye nemo ncikweti amaka akuzizimizya ukwikala pano nsi? Uzye uyo cii uno nemo nkulolela apakuti nteeke umwenzo?
Uwikazi wako ulawala ukuluta navino ilanzi likawala lino lyafika apakasi kamutwe. Uwikazi wako ulasenula imfizi ukuya pali namukokolo, uku macaca.
Lino ulapuza kutalaya nanti umwi uwa kukupuzola, na antu aingi yalalenga uwazwilizyo kunuli.
Mukaicuzya sile ukuzyuka akatondotondo nu kucelwa apakuya umu kulala, pamulandu wakuculila ivyakulya. Pano Yawe akapeela kuli yayo yonsi yano watemwa, umu nsita lino yali umu tulo.