Yobo 10:19 - Amazwi Yakwe Leza 2013

¹⁹ Imvyalwa sile akapopo, nu kuzikwa zuwa, ndakai ngano indi wa muntu atatazile aloleke.

Yobo 10:19 Referans Kwoze

Masamu 58:8

Leka yaye wa nyonga ikasya itelende muno ipisile. Leka yaye sile wa kapopo akasilola luswepo.

Yobo 3:11

“Owe mwe! Uzye pacani cino ntafwilile lino nkuvyalwa, nanti pacisila cakufuma mu ndilwa inte ukufuta?

Yobo 10:18

“We Leza we, icani cino walesile ukuti mvyalwe? Fwandi cangecinzipile ukufwila munda yakwe mayo, ukwaula kuti umuntu nanti umwi andole.

Yobo 10:20

Ale lelo, uzye amanda yane yatasizile? Wemo ule unte sile nenga! Leka mpemwile kweneko apa kasita kanono,

Yobo 23:17

A Leza aliwe akandenga ukuvwa intete, asi mfinzi ikome ino ikandetela akanda, foo. Nanti cingaya cakuti ali kano kamvimba apa manso.”

Yelemiya 20:17

Pasi pano wene atankomile lino nali umu ndilwa yakwe mayo, nga indilwa yakwe mayo yange iye ilindi lyane.

Yobo 3:16

nanti ukulala mu musili wa kapopo, nanti wa kanya akafwe akatacili kalole uluswepo.