Yoane 9:31 - Amazwi Yakwe Leza 2013

³¹ Twamanya vino Leza asyauvwa yakaifya. Wene akauvwa antu yano akamucindika nu kucita kulonda kwakwe.

Yoane 9:31 Referans Kwoze

Mapinda 15:29

Umwenzo wa muntu mulungami ukaelenganya ukucita ivisuma. Akanwa ka ntalanganyi kene kakalanda ivyaukakasi.

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

Mapinda 28:9

Ndi umwi akakana ukuvwa isunde, ni pepo lyakwe kwene lyapatwa.

Mika 3:4

“Ala insita iliza lino mulakuuta kuli Yawe kuti amwazwe, lelo wene atalamwasuka. Pa nsita kwene iyo wene ataluvwa inkuuta inu pamulandu wa nkota zinu.”

Masamu 145:19

Wene akapeela ivikalonda akamoopa, akauvwa ukukuuta kwao nu kuyatuula.

Zakaliya 7:13

Yawe Pali pakuvwanga ukuti antu yakwe ndi yasikuvwa vino akulanda, awe cumi nawe atalauvwa vino yalamupapata.

Mapinda 21:13

Wiyo akafundika umu matwi lino alanda yakumulilila, nawe kwene kusi alamusakamala lino alapunda inkuta, ati, “Tutulwe!”

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Ezekelo 8:18

Caleka yalalola apapelela icipyu cane. Ntalayapanya foo, nupya citalambaya foo. Yalezya uku mpapata wakwe cimwi, lelo nemo ntalayuvwa foo.”

Yoane 4:34

Yesu nawe ayanena ati, “Cakulya cane, ukucita ukulonda kwakwe wino uwantumile, nu kumalila milimo yakwe ino wampeela kuti ncite.

Masamu 18:41

Nanti yangapunda ukutuulwa, lelo kutange kuye uwakuyatuula. Yangapunda Yawe, lelo atange ayaasuke foo.

Yobo 42:8

Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

Yobo 35:12

Ndi antu yamwi yalaizya uwazwilizyo, Leza wene asiyaasuka apamulandu sile wa cilumba ca antu aipe.

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 11:11

Caleka lyene ne Yawe nkuyasoka ukuti namayaletela uononyi, nupya yene yatalutuka awe. Yamatangi ndi yalaizya tutulwe, nemo nsikwikangako amano.

Ezaya 58:9

Lyene mulati ndi mwangama ndaasuka. Mulaapunda izina lyane nani ndaasuka inti, ‘Apano ndi.’ Ndi cakuti mwata ukutwika auzo ikoli, mwata nu kusontana iminwe, mwata nu kulanda ivintu viipe pali alio,

Masamu 143:10

Unsambilizye ukucita ukulonda kwako, pano wewe uli Leza wane. Uye umusuma kunondi, untungulule umu nzila ilungamane.

Utandiko 20:7

Acino ndakai swilizya mama wiyo kuli iya. Iya a kasema amakupepela kuti utafwa. Lelo ndi utaswilizye mama wi kuli iya nakusoka ukuti umafwa, wewe na antu yako onsi.”

Utandiko 19:29

Lelo lino Leza wononyile imisumba ilya yamu cifoloma, wiwisye kupapata kwakwe Abulaamu kuti Loti apusuke.

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Masamu 99:6

Mose na Aaloni yali a yasimapepo yakwe Leza. Samueli nawe wali umuntu uwamupepanga. Ali yano yalaizyanga kuli Yawe nga nawe wayasukanga.

Masamu 40:8

Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”

Ayebulai 10:7

Lyene nani mvwanga inti, ‘Apanondi niza we Leza, kuti ncite kulonda kwako, ndivino calembwa pali nene mu lupapulo lwa Masunde yakwe Mose.’”

Malango 1:45

Lino mwawelulwike mwakuusile kuli Yawe kuti amwazwe, lelo wene atuvwile nanti kusumbako amano kunomuli.

Yobo 35:13

Endi, Leza asiuvwa ku kupapata kwao ukwasilesile. Uwamaka yonsi asisumbako amano awe.’

Yoane 9:30

Umuntu ayanena ati, “Awe cii icakuzunguka! Mwemo mutamanyile kuno wafuma, lelo wene watampozya ku upafu!

Yoane 9:32

Kufuma ku utandiko lino insi yacisilwe citatala cuvwika ukuti umwi wapozya umuntu impafu.

Yoane 11:22

Lelo na ndakai kwene manyile vino consi cino umalenga kuli Leza wene amakupeela.”