Yoane 8:46 - Amazwi Yakwe Leza 2013

⁴⁶ Aweni uwa munomuli angansinila pi ifyo limwi? Ndi nkavwanga cumi, uzye lyene pacani musyantaila?

Yoane 8:46 Referans Kwoze

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Yoane 14:30

Ndakai ntangalanda namwe pa nsita ntali pano kateeka wa nsi ii akwiza. Wene asi na maka munondi.

Yoane 8:7

Lino yaimi ala yakumuzya mauzyo, Yesu ainuka ayanena ati, “Ali wensi pano muli wino atatala wifya atandike amutame ni iwe.”

Mako 11:31

Nao yatandika kupazyanya aisikulu yati, “Uzye tumati uli? Ndi twati, ‘Wafumizye kuli Leza,’ nawe amati, ‘Uzye lyene, pacani mutataile Yoane?’

Mateo 21:25

Uzye Yoane wafumizye kwi maka akuwatizya? Uzye akuli Leza nanti ku antu?” Nao yatandika kupazyanya aisikulu yati, “Uzye tumati uli? Ndi twati, ‘Wafumizye kuli Leza,’ nawe amati, ‘Uzye lyene, pacani mutataile Yoane?’

1 Petulo 2:22

Klistu atatazile aifye nupya kusi umwi uwatazile auvwa akutumpoka.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Yoane 18:37

Caleka Pilato amuuzya ati, “Uzye lyene wewe Mwene?” Yesu aasuka ati, “Watuvwanga vino nene Mwene. Navilwe nga nu kwiza mu nsi pamulandu onga sile wakuti ndande pamulandu wa cumi. Wino wensi waya uwa cumi wene akauvwa mazwi yane.”

Yoane 16:8

Nawe Mupasi alala wiza alasinila antu amu nsi vino yene aponge pamulandu wa maifyo na pa kuntamanya vya wololoke nga nu upinguzi wakwe Leza.

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Yoane 8:47

Muntu wakwe Leza akauvwa mazwi yakwe Leza. Mwemo musi yakwe Leza, na pamulandu kwene uu acino musyakuvwila.”