Yoane 7:51 - Amazwi Yakwe Leza 2013

⁵¹ “Kulingana na Masunde itu, uzye tulinzile kupingula umuntu lino tutali tuvwe kunoli nu kumanya vino watacita?”

Yoane 7:51 Referans Kwoze

Mapinda 18:13

Umuntu wino akatolelela zuwa lino atatala uvwa, akalangizya sile uwelewele wakwe nu kuiletela insonyi.

Malango 1:17

Mutaya na kasoozi lino mukupingula. Mwapingula cila muntu kwaula kunyomela mbali, cisi cimwi vino umuntu wiyo ali. Mutaoopa umuntu nanti umwi, pano upinguzi uno mumacita ukafuma kuli Leza. Ndi umulandu umwi wakomesya cuze kunomuli, muulete kunondi nga nani ndapingula.’

Milimo 23:3

Lyene Paulo amunena ati, “Nawe Leza alakuma we lung'umba we muno wapakwa umula. Utenzi papo kuti umpingule kulingana na Masunde yakwe Mose, lelo ukuvuna masunde pa kupeela ilamulo kuti yangume!”

Malango 17:6

Lelo kwene pakuti mumutame na mawe afwe, palinzile paya ya kambone yaili nanti ukuluta penepo, akumusinila. Mutalinzile ukumutama na mawe mpaka afwe ndi cakuti kambone waya wenga sile.

Kufuma 23:1

“Utasansanta impwelo zyaufi, nupya utazwilizya muntu wa mulandu pa kumuvwangila umboni waufi.

Mpendwa 35:30

“Umwi ndi wakoma umuze wafwa, wene atanga apingulwe ukufwa ukwaula yakambone akumusinila. Nupya yatange yamupingule ukufwa pa umboni wa muntu wenga sile.