Yoane 7:27 - Amazwi Yakwe Leza 2013

²⁷ Lelo lino Katuula uwalavilwe aliza, pasi umuntu alamanya kuno wafuma. Lelo swemo twamanya kuno umuntu wii wafuma.”

Yoane 7:27 Referans Kwoze

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Yoane 9:29

Twamanya vino Leza wavwanzile kuli Mose. Lelo umuntu wii, tutamanyile kuno wafuma!”

Yoane 6:42

Yavwanga yati, “Uzye wii asi Yesu mwana wakwe Yosefu? Uzye lyene angavwanga uli ati, ‘Nafuma kwiyulu?’”

Yelemiya 30:21

Intunguluzi yao ilaya iya mutundu wao. Uwa kuyateeka alafuma pakasi kao. Ndaleka ukuti aize kunondi nu kumpalamila, pano kutanga kuye angaitemelwa ukumpalamila.” Ivyalanda Yawe.

Mako 6:3

Uzye wii, asi akawaza wa mbao, mwana wakwe Maliya? Uzye wii, asi mwina wakwe Yakobo, Yosefu, Yuda, na Simoni? Uzye yakaci yakwe yasiikala kuno mwitu?” Alino yamukana.

Luka 4:22

Antu yonsi yavwanga visuma vya pali aliwe, nga yazunguka pa mazwi asuma yano wavwanzile. Yavwanga yati, “Uzye wii asi mwana wakwe Yosefu?”

Ezaya 11:1

Ululembelya lulatumba apa cisiki cakwe Yese, na pamisisi yakwe palamela umusambo.

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Milimo 8:33

Wacefiwe nga nu kufyengelekeziwa. Kusi nanti umwi angati wasya uluko. Pano yamuputukizye umi muno nsi.”

Yoane 7:15

Ayuda yazunguka cuze, yavwanga yati, “Uzye umuntu wii wamanya uli malembelo, vino atasambilila?”

Ezaya 53:8

Yamulemile sile nu kumupingwila ukufwa, ukwaula nanti umwi uwakumuvwangila. Yamukomile pa maifyo itu.