Yoane 7:19 - Amazwi Yakwe Leza 2013

¹⁹ Uzye Mose atamupiile Masunde yakwe Leza? Lelo muli mwemwe musi nanti wenga akayela Masunde. Uzye pacani mukulonda kunkoma?”

Yoane 7:19 Referans Kwoze

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Yoane 11:53

Kufuma pa wanda ulya, intunguluzi zya Ciyuda zipangana kukoma Yesu.

Yoane 7:1

Pacisila ca vintu vii, Yesu wapitanga mu Galile, atakasi kupitana mu Yudeya pano Ayuda yalondanga kumukoma.

Mateo 12:14

Afaliseo yafuma yaya yumana kapi kuti yamukome.

Galatiya 6:13

Nanti yasilamulwa lelo yasyayela Masunde. Cino yakalonda ukulola ukuti mwasilamulwa, pakuti yangailumba apakumulenga kuti mucite vii.

Malango 33:4

Swemo tukayela amasunde yano Mose watupeezile, yano yaya icuma icikankala ica luko lwitu.

Malango 1:17

Mutaya na kasoozi lino mukupingula. Mwapingula cila muntu kwaula kunyomela mbali, cisi cimwi vino umuntu wiyo ali. Mutaoopa umuntu nanti umwi, pano upinguzi uno mumacita ukafuma kuli Leza. Ndi umulandu umwi wakomesya cuze kunomuli, muulete kunondi nga nani ndapingula.’

Galatiya 3:19

Uzye lyene Masunde yakwata mulimo cii? Masunde yapilwe pakuti yatulange vino tukaifya, lelo yali akuti yaomba kufika nu kukwiza kwa cizikulula cakwe Abulaamu wino ulayo wapilwe kunoli. Angeli ayano yalesile Masunde ku muntu uwali nu mulimo wakukundanya.

Milimo 7:38

Mose kwene wii uwali na aina Izlaeli lino yakongine mu lwanga, nupya uwali ni vikolwe vitu pamwi nu mungeli uwavwanzile nawe pa Mwamba wa Sinai. Wene uwapokelile na mazwi akapeela umi kuti atupele.

Yoane 10:39

Nupya kwene yalonda kulema Yesu, lelo aongoloka pano yali.

Yoane 7:25

Antu yamwi amu Yelusalemu yavwanga yati, “Uzye wii asi umuntu wino intunguluzi zya Ciyuda zikulonda kukoma?

Yoane 5:45

Mutaelenganya vino ndamulongwela kuli Tata. Apanoli wenga wino alamulongwela, a Mose kwene wino mwapaalilamo.

Yoane 5:18

Muvwango uu walenzile intunguluzi zya Ciyuda kupangila kumukoma, pasi pamulandu wa kuntayela isunde li Sabata sile, lelo na pamulandu wa kulanda ukuti Leza wene ali Isi wakwe nga nu kuilinganya na Leza.

Yoane 5:16

Caleka Ayuda yatandika kuzunya Yesu, pano wapozizye umulwale pa wanda wi Sabata.

Mako 3:6

Acino Afaliseo yafuma mu Ng'anda yakwe Leza yaya yakongana na amu kaungwe kakwe Helodi, yumana kapi kuti yamukome.

Mako 3:4

Lyene auzya antu ati, “Uzye Masunde itu yazumilizya kucita cani pa Sabata? Uzye ukuombela antu visuma nanti kuyaombela viipe? Uzye ukutuula umi wa muntu nanti kuulovya?” Lelo yataswike nanti cimwi.

Mateo 21:38

Lelo lino alimi yalola mwana, yalanda yati, ‘Wii, ali mwana wakwe aalatoola icuma. Tuini tumukome nga tutoole icalo.’

Mako 11:18

Yasimapepo akalamba na yakasambilizya ya Masunde, lino yuvwa cii, yatandika kulonda inzila yakuti yakomelemo Yesu. Lelo yamoopanga, pano iumba lyonsi lyazungwike pa usambilizyo wakwe.