Yoane 6:27 - Amazwi Yakwe Leza 2013

²⁷ Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 6:27 Referans Kwoze

Kolose 3:2

Mwalonda sile vya mwiyulu asi vya pano nsi.

Ezaya 55:2

Icani cino mungasumbila impiya pali vino visi vilyo, na malipilo inu pa vintu vino visiikusya? Munguvwe, muntezye, nga muce mukakwate ivyakulya visuma nu kuipakizya vyakulya vilyompe.

Yoane 6:54

Wino wensi akulya mwili wane nu kumwa wazi wane wene ali nu umi wape, nga nani ndaleka azyukuke aye nu umi pa wanda wampelelekezyo.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Yoane 10:28

Nemo nazipela umi wapee nga nazyo zitalalowa. Pasi umuntu alazisompola mwi kasa lyane.

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

Mateo 6:19

“Mutaika vyuma vinu muno nsi, umwaya uwonyi ni ngalawa, muno aiivi yakatama nu kwiya.

Yoane 6:58

Cii cili cakulya cino ciiza pano pansi kufuma kwiyulu. Cisi wa cakulya cino vikolwe vinu vyalile, lelo pacisila vyene vifwa.”

2 Petulo 1:17

Swemo apano twali lino Leza Tata wamucindamike nu kumupeela ululumbi. Pa nsita ilya izwi lyafumile kuli Leza uwa lulumbi lukulu, liti, “Wii Mwanane mukundwe. Munoli nkuzanga cuze!”

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Kasambilizya 6:7

Umuntu akaomba imilimo yakwe yonsi yakukailwa kuti angazana cakulya, lelo wene asiikuta.

1 Petulo 1:24

Cili ndi vino calembwa mu malembelo cati, “Antu yonsi yakoline wi sote nga nu lulumbi lwao lukoline wa maluwa amu mpanga.” Isote likauma, na maluwa nayo yakalukuta,

Luka 3:22

na Mupasi Wamuzilo aikila panoli mu musango wa nkunda. Ni zwi lifuma mwiyulu liti, “Wewe Mwanane mukundwe, munuli nkuzanga cuze.”

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

Kolose 1:29

Pakuti cii cicitwe nemo nkuomba nu kulwisya, ala nkuomvya maka yano Klistu akampeela, nupya yano yakuomba munondi.

Yoane 3:33

Lelo wino wensi akataila umboni wakwe, wene akasininkizya vino umboni wakwe Leza uwa cumi.

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Yoane 6:68

Simoni Petulo amwaasuka ati, “Mwene, uzye aweni namuze wino tungayako? Mazwi yako yakapela umi wape.

Luka 9:35

Ni izwi lyuvwika kufuma mwi kumbi liti, “Wii, Mwanane wino nasolola, mwamuvwa.”

Masamu 40:7

Nani ali pakwasuka inti, “Endi apano ndi, niza, ndi vino calembwa pali nene umu lupapulo lwa masunde.

Masamu 2:7

Caleka umwene wiyo akuti, “Nkuma imbila ino Yawe wanenyile, ati, ‘Wewe uli mwana wane umonsi, Nani ilelo nayaso.

Ayebulai 12:16

Mutaleka umuntu umwi aye cizelele nanti kusula vya mupasi ndi vino Esau wacisile, wino uwakazizye uyeli wakwe ni cakulya conga sile.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Ayebulai 4:11

Lekini lyene tucite consi cino tungacita kuti twingile mu kupuza kuku, pakuti kutaya umwi munotuli uwakuposiwa ndi vino cali kuli yaya pamulandu wa kuntataila kwao.

Kolose 2:22

Vii vyonsi vikaya vyasilesile pacisila cakuviomvya. Vyene a masunde na masambilizyo ya antunze.

1 Kolinto 9:2

Nanti angala yamwi yatanzumila kuya mutumwa, cumi kwene mwemo mwanzumila! Pano umi winu muli Klistu ali kambone wakuti nene mutumwa.

1 Kolinto 6:13

Umwi angavwanga ati, “Cakulya capangilwe kwingila mu nda, nga ni nda nayo yapangilwe kupokelela cakulya.” Endi, lelo Leza alonona vii vyoili. Umwili utalinzile kuomviwa mu kucita ulenzyo, lelo ulinzile kuomviwa mu kutumikila Mwene. Mwene aliwe akasunga mwili.

Loma 4:11

Wene wasilamwilwe pacisila. Ukusilamulwa kwakwe cali cili cilangililo cakuti cisininkiziwe vino Abulaamu wataile Leza lino atali kuti asilamulwe. Na Leza pali pa kumuzumila vino wene mololoke lino atali kuti asilamulwe. Acino Abulaamu ali cikolwe ca antu yonsi ataila Leza, yao yano Leza wazumila vino aololoke, nanti angala yatasilamulwa.

Yoane 15:24

Ndi pakasi kao ntizile ncita vintu vino umuntu nanti wenga atatala wacita, nga yasi nu mulandu wa kwifya. Lelo yalola vino nacita, nga yapata Tata pamwi nani kwene.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 11:42

Nani manyile vino ukanguvwa pe. Lelo pamulandu wi umba lii lino liimi pano navwanga cii kuti yataile vino wewe wantuma.”

Yoane 8:18

Nemo nkuicitila umboni, na Tata uwantuma nawe kwene akancitila umboni.”

Mako 9:7

Lyene ikumbi liiza liyavimba, ni zwi lyuvwika kufuma mwi kumbi liti, “Wii, Mwanane mukundwe, mwamuvwa!”

Mako 1:11

Ni zwi lifuma mwiyulu liti, “Wewe Mwanane mukundwe, munuli nkuzanga cuze.”

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Ezaya 42:1

Yawe wavwanga wati, “Wii ali muomvi wane wino nemo nemweneco natungilila, ali wino naisolwela nupya natemwisya. Namamwikila Umupasi wane, nga nawe alaletela antu amu mitundu yonsi ulungami.

Yakobo 1:11

Ilanzi likatunka nga cikaililwa caliko cikaoca cimelwa, maluwa yaciko nayo yalukuta, nga nu kuyemba kwayako kononwa. Mu musango uli onga kwene mukama lino akuomba milimo yakwe ya ulonsi, afwa.

2 Kolinto 4:18

Uli mulandu uno swemo tukaika mano pa vintu vino vikaloleka asi pa vintu vino visyaloleka. Vintu vino vikaloleka vyene visyaikalilila lelo vintu vino visyaloleka vyene ivya manda pe.

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Habakuku 2:13

Antu yano mwacimvizye iyatovoka pamulandu wa milimo ya mulaza uwasilesile. Na vyonsi vino yatukuta vyati vipya nu moto. Antu amitundu yonsi yakwazya sile amaka yao. Vii ivicitwa vyakwe Yawe.

Mapinda 9:5

“Izini mulye icakulya cane, mumwe na waini wino nteinye.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Yoane 3:15

pakuti wensi wino wataila munoli aye nu umi wape.

Yoane 6:47

Cumi, namunena nati, wino uwataila munondi wene ali nu umi wape.

Yoane 6:53

Yesu ayanena ati, “Cumi namunena vino ndi mutangalya mwili wa Mwana wa Muntu nu kumwa wazi wakwe, mutangaya nu umi.

Yoane 6:62

Uzye lyene cingaya uli ndi mwaweni Mwana wa Muntu akukwela kwiyulu, kuswilila kuno wafumile?

Malango 30:13

Nupya lisi ku mbalama yuze yakwe yemba cakuti mungalanda muti, ‘Uzye aweni amalamba yemba kuti akatuletele, kuti tulyuvwe nu kuliyela?’