Yoane 5:39 - Amazwi Yakwe Leza 2013

³⁹ Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Yoane 5:39 Referans Kwoze

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

Mateo 22:29

Yesu nawe aasuka ati, “Mwaponga, pano mutamanya malembelo, nanti maka yakwe Leza.

Ezaya 34:16

Londa nu kuwelenga umu lupapulo lwakwe Yawe, lwa vintu vyaumi. Muwelenge mumazana ukuti pali vyonsi pasikuulilwa nanti conga. Nupya vyonsi vimayanga viili viili, iconsi ni cakaci. Yawe aliwe kwene wakomailanga ukuti ciye vivyo kwene. Umwisikulu aliwe alavikonganika pamwi.

Milimo 13:27

Antu akaikala mu Yelusalemu, nga ni ntunguluzi zyao, yatamanyile vino Yesu ali Katuula, nanti ukwiluka mazwi yakwe yakasema yano yakawelenga cila Sabata. Lelo pa kuvunuka Yesu ku mfwa, yalenzile kuti mazwi yakwe yakasema yafikiliziwe.

Yoane 5:46

Pano ndi mwataile Mose mucumi, nga mwataila nani kwene, pano walemvile ivya pali nene.

Yelemiya 8:9

Antu inu aamano insonyi zilayalema. Yalazewana nu kulemwa mu lukose. Na yayo akasuula Yawe, ale lyene amano yao ivyani vino yakayatumbwila?

Loma 3:2

Endi, umu nzila zingi, mwaya muzano wakuya Muyuda! Ca nkolelo, mazwi yakwe Leza yavwanzilwe ku Ayuda.

Mako 12:10

Uzye ale mutali muwelenge ilembelo lii? ‘Iwe lino yakakuula yakanyile, lyene lyacisilwe iwe lya pitungi lya ng'anda.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Loma 1:2

Ilandwe Lisuma lyalavilwe mpiti na Leza kupitila muli vino yakasema yalemba mu Malembelo Amuzilo.

Milimo 26:27

Mwene Agilipa, uzye wataila vyavwanzile yakasema? Imanyile vino wataila!”

Yoane 7:52

Nao yamunena yati, “Endi, uzye nawe kwene wewe uwamu Galile? Ulonde mu malembelo ndi umazana pano calembwa vino ku Galile kulafuma kasema.” [Umu mpapulo izyalemvilwe ku katalili kumwi ni mpapulo zyuze izya umboni zino tungasintililamo mutaya Yoane 7:53-8:11.]

Yoane 5:32

Lelo pali muze wino akapeela umboni pamulandu wane, nga namanya vino umboni uno akapeela uwa cumi.

Masamu 36:9

Umucumi intendekelo ya umi yaya kunuli, tukalola nu luswepo ndi cakuti watukozezya.

Malango 18:18

Ndayatumila kasema akoline nawe ukufuma mu antu yao kololo. Ndamunena ivya kuvwanga, nga nawe alayanena vintu vyonsi vino ndamupeela ilamulo kuti alande.

Malango 18:15

“Yawe Leza winu alamutumila kasema akoline nani ukufuma mu antu inu kwene, nga namwe mulinzile mwamuyela.

Yoane 5:36

Umboni uno nkweti ulusile umboni wakwe Yoane. Pano milimo ino Tata wampeela kuti malile iili milimo ino nkacita. Milimo kwene ii, ikapela nu umboni wakuti Tata uwantuma.

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Masamu 16:11

Uwandanga inzila zyakuntwala ku umi, nga nani ndazanga cuze lino wemo waya pipi nani. Ulandetela isyuko ilyakunzanzya, amanda pe.

Luka 16:31

Lelo Abulaamu amunena ati, ‘Ndi yataluvwa ivyaya mu mpapulo zyakwe Mose na yakasema, nanti umwi angazyukuka kufuma ku afwe yatangasininkizya.’”

Mapinda 6:23

Pano amasunde yali wa lukozyo, nu usambilizyo uli wa luswepo. Pano ukukalipilwa nu ufuke ili nzila ya umi.

Yoswa 1:8

Lupapulo luu lwa masunde lulinzile lwawelengwa lyonsi lino mukupepa. Mulinzile mwalupituluka umusanya nu usiku, pakuti mutekele pakucita vyonsi vino vyalembwa mwenemo. Ndi caya vivyo, lyene mulaya nu longo nupya mutalaposiwa.

Malango 32:47

Amasambilizyo yaa yasi amazwi asilesile, lelo yene ali umi winu kwene. Mwayayela, pakuti lyene muce mwikale amanda avule mu mpanga ilya mu mbalama yakwe Yodani ino mwasya mupoke nu kwikala mwenemo.”

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Luka 16:29

“Abulaamu ati, ‘Anyonko yakweti mpapulo zyakwe Mose na yakasema zya kuyasoka. Leka yuvwe ivyaya mwenemo.’

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Yoane 1:45

Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Masamu 21:4

Wene walenzile uumi, nga nawe wamupeela. Wemo watantalizya na manda yakwe umuyayaya.

Masamu 1:2

Lelo wene akazangila mu kuyela amazwi yakwe Yawe, nu kuyelenganya usiku nu musanya.

Masamu 133:3

Ungati ulumi lwaku Helimoni, ulwati luseka apa Mwamba wa Zioni. Pano ali pano Yawe akapeelela upolelelo, kuli kuti umi wakuyelelela pee.

Ayebulai 11:35

Pakuya nu utailo anaci yamwi yapokelile akazi kao yano azyukwike kufuma ku afwe. Yauze nao yayacuzizye cuze suka yafwa, kwaula kuzumila kuti yasapulwe yaye antungwa. Yene yacisile cii kuti lino yalazyukuka yace yaye nu umi usuma.

Malango 29:29

“Kwaya kweneko ivintu vimwi vino Yawe Leza witu atatusokolwela. Lelo wene watusokolwela amasunde yakwe, nga sweswe pamwi na amu mupanda witu tulinzile twayayela amanda pe.”

Luka 24:25

Lyene Yesu ayanena ati, “Viwelewele mwe, mwe muno mwakoma myenzo pa kutaila vintu vino yakasema yalanda.

Yoane 5:40

Lelo nalyo kwene mwemo mutakasi kwiza kunondi kuti muye nu umi wape.

Mako 10:3

Yesu nawe aasuka ati, “Uzye isunde ci lino Mose wamupile?”