Yoane 3:33 - Amazwi Yakwe Leza 2013

³³ Lelo wino wensi akataila umboni wakwe, wene akasininkizya vino umboni wakwe Leza uwa cumi.

Yoane 3:33 Referans Kwoze

Ayebulai 6:17

Nakuli yao ali nukupokelela vino Leza walavile, umwisikulu walondanga kulanga paswe ukuti atalatala asenule pange lyakwe. Caleka waomvizye mulapo pa kulaya.

Efeso 1:13

Yesu wamuletile cumi, cino cili Ilandwe Lisuma lya pamulandu wakwe vino mungatuulwa ndi mwataila. Caleka mwatamwa ni nsimbi yakwe Leza pa kumupeela Mupasi Wamuzilo wino walavile kunomuli kuti alange vino mwemwe yakwakwe.

2 Kolinto 1:22

nu kwika Mupasi wakwe mu myenzo itu kuti alangilile vino sweswe akwakwe.

2 Kolinto 1:18

Leza angatailwa, nga nani kwene ningatailwa, lino nalanda ukuti kwasuka kwitu kuno muli lyonsi ukwakuti “Ee” lelo asi “Awe”.

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 8:26

Nkweti vintu vingi vyakumunena makamaka pa viipe vino mwacita. Lelo wino uwantuma wene uwa cumi, nga nani nkanena amu nsi vino nuvwa sile kunoli.”

Loma 4:11

Wene wasilamwilwe pacisila. Ukusilamulwa kwakwe cali cili cilangililo cakuti cisininkiziwe vino Abulaamu wataile Leza lino atali kuti asilamulwe. Na Leza pali pa kumuzumila vino wene mololoke lino atali kuti asilamulwe. Acino Abulaamu ali cikolwe ca antu yonsi ataila Leza, yao yano Leza wazumila vino aololoke, nanti angala yatasilamulwa.

Loma 15:28

Lino ndamala mulimo wa kuyapela lupiya lonsi luno yasangwile, ndiza kwiza mutandalila, nga pacisila inje ku Sipeni.

1 Kolinto 9:2

Nanti angala yamwi yatanzumila kuya mutumwa, cumi kwene mwemo mwanzumila! Pano umi winu muli Klistu ali kambone wakuti nene mutumwa.

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

1 Yoane 1:10

Ndi twati tutatala twifya, ale lyene tukuti Leza uwa ntumpu, nga ni zwi lyakwe lisi munotuli.