Yoane 21:17 - Amazwi Yakwe Leza 2013

¹⁷ Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Yoane 21:17 Referans Kwoze

Yoane 13:38

Yesu aasuka ati, “Uzye wati uiteyanya ukufwa pamulandu wane? Nakunena vino lino mukolwe atacili alamule wemo umankana maila yatatu ale ukuvwanga vino utamanyile.”

Mako 14:72

Lilyo kwene mukolwe alamula iila lyakwe ciili, na Petulo aiusya vino Yesu wamunenyile ati, “Lino mukolwe atacili alamule maila yaili, wemo umankana maila yatatu ale ukuvwanga vino utamanyile.” Lyene apongomoka, alila.

Yoane 16:30

Lyene twamanya vino wemo wamanya vintu vyonsi nga usyalonda kuti umuntu umwi akuuzye. Cikwene catulenga kutaila vino wafuma kuli Leza.”

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.

Milimo 15:8

Lyene Leza, wino uwamanya vyaya mu myenzo ya antu, walanzile vino watazengela Akulukuwa pa kuyapela Mupasi Wamuzilo, wakwe vino naswe watupile.

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Yoane 14:15

“Ndi mwantemwa mwayela masunde yane.

Masamu 17:3

Nanti angala wemo wasakaula umu mwenzo wane, nupya wiza wampima usiku, wanjezya umu musango uli onsi, lelo pasi nanti umulandu umwi uno wazana. Nemo nsilanda iviipe.

2 Petulo 3:1

Mwe yacuza akundwe, wii ali kalata wakwe ciili wino namulembela. Muli yakalata oili yano namulembile, nemo nezizye kuti mukatusye myenzo ya kwelenganya kusuma pa kumwiusya vintu vii.

1 Petulo 1:6

Sansamukini pali cii, nanti angala ndakai cingalondekwa kuti muvwe ulanda pamulandu wa mezyo aingi yano mukuculamo.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Milimo 1:24

Lyene yapepa yati, “Mwene, wemo wamanya myenzo ya antu onsi, utulange wino watusolola pa antu yaa oili,

Yoane 18:27

Nupya Petulo akana. Lyene lilyo kwene mukolwe alamula.

Yoane 18:4

Yesu wamanyile vintu vyonsi vino yali nu kucita kunoli, caleka aya pa nkolelo nga ayauzya ati, “Uzye mukulonda weni?”

Yoane 12:8

Apina mukaya nao pe, lelo nemo mutalaya nani pe.”

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Nyimbo zya ndosya 3:33

Pano asi umweneco uwatandika ukutucuzya, nanti ukutuletela amalanda, awe.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

1 Yamwene 17:18

Mangu wilya anena Eliya ati, “Uzye icani cii cino wancitila vii, we kasema wakwe Leza? Uzye wiza kuno ku kwiusya Leza pa maifyo yane kuti aleke umwana wane afwe?”

Yoswa 22:22

“Uwamaka wilya ali Leza! Wene ali Yawe! Wene amanyile cino twacitile cii, nga naswe kwene tukasi kuti mumanye! Ndi cakuti twasangukile Yawe nu kuntaya acumi kunoli, lyene ilelo mutaleka tutwalilile ukuya nu umi.

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.

2 Samueli 7:20

Uzye icani cuze cino ningalanda kuli wewe? Pasi pano wamanya mpiti ne muzya wako.

Yoane 21:18

Cumi nakunena, vino wemo lino wali mulumendo wainyepanga musipi nu kuya kuno ukasi. Lelo lino ulakota, ulololola makasa yako nga umuntu muze alakunyepa nu kukusenda kuno utakasi kuya.”

1 Milandu 17:18

Uzye icani cuze cino ningalanda kuli wewe? Wemo wamanya ningo, nga lelo ukancindamika ne muomvi wako.

Yoane 4:16

Yesu nawe amunena ati, “Yanga ukaame uwako, wize nawe kuno.”

Milimo 11:10

Cii cacitike amaila yatatu, na pakusyalikizya cintu cii consi cikweziwa kwiyulu.