Yoane 21:15 - Amazwi Yakwe Leza 2013

¹⁵ Pacisila lino yalya, Yesu auzya Simoni Petulo ati, “We Simoni mwana wakwe Yoane, uzye wantemwa kuluta vino yaa yauze yantemwa?” Awe aasuka ati, “Endi Mwene, wamanya vino nakutemwa.” Yesu nawe amunena ati, “Uwalisya ana ya mfwele akwane.”

Yoane 21:15 Referans Kwoze

Loma 15:1

Swe muno twakoma mu utailo twaazwilizya yano atali yakome pakuti yaposya mu macuzi yao. Tutacita vyakutuzanzya sweisikulu.

1 Yoane 4:19

Swemo tukatemwa pano Leza uwatandike ukututemwa.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

1 Petulo 1:8

Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

Efeso 6:24

Cikuku cakwe Leza ciye na antu yonsi yano atemwa Mwene witu Yesu Klistu nu kutemwa kwa pe.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

Yoane 16:27

pano Tata umwisikulu wamutemwa. Wene wamutemwa pano mwemo mwantemwa nga nu kutaila vino nafumile kunoli.

Yelemiya 3:15

Alino ndamupeela yakacema ukulingana ni vilatemwa umwenzo wane. Yene yalamucema ningo na mano.

Ezekelo 34:23

Ndakatusya kacema uwa kuziteeka, umuomvi wane Davidi awino alaya akacema waziko nu kuzisunga aliwe alazisunga.

1 Petulo 2:25

Mwemo mwakoline wa mfwele ziponge. Lelo ndakai Leza wamuwezya kuli Kacema nupya Kacingilila winu.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Loma 14:1

Mwazengela umuntu wino utailo wakwe usi ukome, lelo mutapazyanya nawe pali vino umwisikulu akaelenganya.

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Yelemiya 23:4

Alino ndasonta yakacema yano yalazisakamala nu kuzilisya. Zitalaoopa nanti ukuzakaza foo, nupya patalaponga nanti yonga.” Ivyalanda Yawe.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Yoane 21:12

Yesu ayanena ati, “Izini mulye.” Lelo patali umwi uwamu alondezi wakuti amuzye ati, “Uzye wewe weni?” Pano yonsi yamanyile vino wene Umwene.

Yoane 21:7

Alino mulondezi wino Yesu watemilwe kuluta anena Petulo ati, “Ala wii Umwene!” Lino Simoni Petulo uvwa vino umuntu wii Umwene, azwala ikoti (pano walanga watasamwila) nga aisumba muli yemba.

Mateo 18:10

“Cenjelini mutezya kuti musule wenga uwamu ana yaa anono. Pano nsita zyonsi angeli yao aakayalinda, yene yakaikala pipi na Tata wino ali mwiyulu. [

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

1 Kolinto 8:11

Lyene umuntu wii mutonte, munyonko wino Klistu wafwilile alalowa pamulandu wa “Kumanya kwako!”

Yoane 8:42

Yesu ayanena ati, “Leza ndi a So mu cumi, nga mwantemwa, pano nemo nafuma kuli Leza. Nupya ndakai ndi pano. Ntaizile nenga, lelo aliwe uwantuma.

Mako 14:29

Petulo avwanga ati, “Nanti yonsi yalakufutatila nemo ntalacicita.”

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Utandiko 33:13

Yakobo ati, “Musambazi, mumanyile ukuti ana anono yatiyatonta, lyene indinzile nsakamale iviteekwa ivili nu twana, imfwele pamwi ni ng'ombe kwene. Ndi twapita ulwendo uwanda upuma mu kupatikizya ufyo onsi ungafwa.

Mateo 10:37

Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

2 Samueli 7:20

Uzye icani cuze cino ningalanda kuli wewe? Pasi pano wamanya mpiti ne muzya wako.

Yoane 13:37

Petulo amuuzya ati, “Mwene uzye pacani cino ntangankulondele ndakai? Nemo naiteyanya ukufwa pamulandu wako.”

Yoane 1:42

Alino aleta Simoni kuli Yesu. Yesu amulolekesya, nga avwanga ati, “Wewe Simoni mwana wakwe Yoane, lelo umatemelwa izina Kefa.” (Kuli kuti Petulo nupya cikusenula “Iciliwe.”)

Mateo 26:35

Alino Petulo avwanga ati, “Nemo nanti cingaya cakuti imfwe pamwi nawe, ntangankukane inti ntakumanyile.” Na alondezi yonsi yavwanga cili conga.

Mateo 26:33

Alino Petulo avwanga ati, “Nanti yonsi yalakufutatila pamulandu wakwe vino vilakucitikila, nemo ntalacicita.”

Milimo 20:29

Imanyile ukuti lino ndapita, antu ali wa mimbulu ikalipe cuze yaliza munomuli, nga yatalapanya ufyo.

Ezekelo 46:24

Alino anena ati, “Ii ili miputule yakwelekelamo muno aomvi amu Ng'anda ikulu yakwe Leza yalaelekelamo impolelwa zino antu yapeela.”