Yoane 19:5 - Amazwi Yakwe Leza 2013

⁵ Caleka Yesu afuma, ala azwite ingala ya myunga nu mwingila uyenzulukile. Lyene Pilato ayanena ati, “Lolini! Umuntu auwi!”

Yoane 19:5 Referans Kwoze

Yoane 19:2

Alino asilika yaluka ingala ya myunga, yamuzwika ku mutwe. Lyene yamuzwika mwingila uyenzulukile.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Ezaya 40:9

Kwela apapela apa mwamba utali, we nkombe yakwe Yelusalemu. Yanga kasalanganye ilandwe lisuma! Usanzule ni izwi apa kusalanganya ilandwe lya nsansa mu Zioni. Utoopa foo apa kusanzula izwi, unene imisumba ya Ayuda uti, “Leza winu awiyo akwiza.”

Nyimbo zya ndosya 1:12

Yakunena ali wensi uwapita pano yatenzi yati, “Silolesyini mwe! Uzye kwatala ikuya antu acula wakwe sweswe? Ukwene uli ucuzi uno Yawe watandetela uku cipyu cakwe cikalipisye.

Mateo 27:29

yaluka ingala ya myunga, yamuzwika ku mutwe. Lyene yamufumbatika intuwa mwi kasa lilunji, yafukama nkolelo yakwe, yamusoweka yati, “Kwaita, Mwene wa Ayuda!”