Yoane 19:35 - Amazwi Yakwe Leza 2013

³⁵ Wiyo uwaweni kuno vintu vii vikucitika, watapela umboni, kuti namwe kwene mutaile. Umboni wakwe uwa cumi, nupya wamanya vino akavwanga icumi.)

Yoane 19:35 Referans Kwoze

Yoane 21:24

Mulondezi kwene wii aliwe wapela umboni nga nu kulemba vintu vii vyonsi. Twamanya vino umboni wakwe uwa cumi.

Yoane 15:27

Namwe kwene mulapela umboni pamulandu wane, pano mwaya nani kufuma lino natandike kuomba.

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

Loma 15:4

Vyonsi ivyalembwa mu malembelo vyalemvilwe ukutusambilizya, pakuti tuye nu upaalilo kupitila mu kutekeziwa nu kukomeleziwa kuno malembelo yakutupela.

Milimo 10:39

Sweswe tuli yakambone pa vintu vino wacisile mu mpanga yonsi ya Ayuda, nga nu mu Yelusalemu. Lyene yamukomile pa kumutana pa lupanda.

Yoane 20:31

Lelo vii vyalemvilwe kuti mutaile vino Yesu ali Katuula, Mwana wakwe Leza, nga nu mukutaila munoli muye nu umi wape.

1 Yoane 5:13

Nkumulembela cii mwemuno mwataila mu Mwana wakwe Leza pakuti mumanye ukuti mwakwata umi wape.

Yoane 19:26

Lino Yesu walola nyina, nu mulondezi wino watemilwe cuze, ala yaimi pipi, anena nyina ati, “Mayo, wii umwana wako.”

Yoane 14:29

Ndakai namunena cii lino citali cicitike, kuti alala cacitika, mukataile.

Yoane 11:42

Nani manyile vino ukanguvwa pe. Lelo pamulandu wi umba lii lino liimi pano navwanga cii kuti yataile vino wewe wantuma.”

Yoane 11:15

Lelo nkuzanga pamulandu winu vino ntaliko pakuti lyene mutaile. Caleka tuini kunoli.”

3 Yoane 1:12

Cila muntu akavwangila Demetiliyo visuma. Ni landwe kwene ilya cumi lino akakosola likacita cili conga. Naswe kwene tukulundapo umboni pali aliwe, nupya mumanyile ukuti vino tukulanda ivya cumi.