Yoane 19:20 - Amazwi Yakwe Leza 2013

²⁰ Antu aingi yaciwelenzile, pano cifulo cino Yesu watanyilwepo citali kutali nu musumba wa Yelusalemu. Cimanyisyo cii calemvilwe mu Ciyebulai, mu Cilatini, nga nu mu Cigiliki.

Yoane 19:20 Referans Kwoze

Umbwilo 16:16

Alino mipasi ikonganika yakateeka pa ncende ino mu Ciyebulai yakati Alamagedoni.

Milimo 26:14

Swensi tupona pansi, alino nuvwa izwi mu Ciyebulai liti kunondi, ‘Saulo, Saulo! Pacani ukunzunya? Ala ukundwisya uwalanganyi.’

Milimo 22:2

Lino yuvwa akulanda kunoyali mu Ciyuda, yamyalalisya. Paulo avwanga ati,

Milimo 21:40

Musika mukalamba amupeela ulusa. Caleka Paulo aimilila pa ciimbili ca ng'anda nga avwangila ku makasa anena antu kuti yamyalale. Lyene lino yamyalala, Paulo avwanga mu Ciyuda.

Milimo 21:37

Lino asilika yali pipi nu kumwingizya mu kamba, Paulo auzya musika mukalamba ati, “Uzye ntange mvwange cimwi kunuli?” Musika mukalamba wa asilika amuuzya ati, “Uzye wamanya kuvwanga Cigiliki?

Yoane 19:13

Caleka lino Pilato uvwa mazwi yaa, afumya Yesu panzi aikala na pa cilimba cakwe kapingula wa milandu mu ncende ii yamwangwa ukuti, “Musolo wa mawe.” (Mu Ciyebulai incende ikaamwa ukuti, “Gabata.”)

Yoane 5:2

Mu Yelusalemu, pipi ni mpongolo yamwangwa Mpongolo ya Mfwele, mwali ciziya cino mu cilimi ca Ciyuda camwangwa Betisaida, cino cazingulwikwe ni nkungu zisano.

Umbwilo 9:11

Yene yakweti kateeka uwa kuyateeka, kateeka wii u mungeli wino akaangalila ciwina caula impela. Izina lyakwe mu Ciyebulai a Abadoni, nu mu Cigiliki izina lyakwe a Apolyoni, cikusenula, “Wino akaonona.”

Ayebulai 13:12

Pamulandu kwene uu, Yesu nawe kwene wafwilile kunzi ya musumba ukulu, kuti aswefye antu nu wazi wakwekufuma ku maifyo yao.

Luka 23:38

Na papela panoli palemvilwe mazwi yaa akuti, “Wii, ali Mwene wa Ayuda.”

Yoane 19:42

Pamulandu wakuti wali uwanda wakuteyanya uwa Ayuda, nga na pano ilindi lyali pipi, antu yaa oili iika cala cakwe Yesu mwenemo.