Yoane 19:13 - Amazwi Yakwe Leza 2013

¹³ Caleka lino Pilato uvwa mazwi yaa, afumya Yesu panzi aikala na pa cilimba cakwe kapingula wa milandu mu ncende ii yamwangwa ukuti, “Musolo wa mawe.” (Mu Ciyebulai incende ikaamwa ukuti, “Gabata.”)

Yoane 19:13 Referans Kwoze

Mateo 27:19

Lelo lino Pilato watenzi pa cilimba ca kuputwila milandu, muci atuma izwi kunoli ati, “Utacita cintu nanti cimwi ku muntu wiyo uwakaele, pano usiku nali nalota vintu vingi pamulandu wakwe.”

Milimo 4:19

Lelo Petulo na Yoane yaasuka yati, “Mwemwe pingulini icilungame pa manso yakwe Leza, ukuyela mwemwe nanti Leza.

Yoane 19:8

Lino Pilato uvwa vino yavwanga, auvwa intete cuze.

Luka 12:5

Nkamunene uwakoopa. Oopini Leza, wino pacisila ca kukoma wakwata maka akusumba mu Gehena. Mutaile cino namunena, moopini wiyo kwene.

Amosi 4:7

“Anene kwene nemuno nanyefile imvula lino kwalile kwasyala sile imyezi itatu kuti muzombole. Anene kwene nemuno naleetanga imvula apa musumba umwi, nu kulesya imvula ukutonya pa musumba uze. Indeka ukuti imvula itonye pa calo cimwi, lelo pa calo cuze pene foo, mpaka ipuuma paya na solokoto.

Ezaya 57:11

Aweni fwandi wino oopanga nu kuzakaza kunoli, apakuti wize unsangukile vikwene vii, ukane nu kunjiusya icakuti lyene watunjima ni ncende apakunjika, umu mwenzo wako? Uzye namanye umulandu wakuti nkutumile cele, icingalenga ukuti utangoopa?

Kasambilizya 5:8

Utazunguka lino walola ukuti uteko ukutitikizya apina nu kuyafyenga mu nsambu zyao. Cilolo wensi wacingililwa na wiyo akamwangalila, alino yaa yoili yacingililwa ni vilolo iviyalusile.

Mapinda 29:25

Ukoopa antu cili wa citeyo, Lelo ukutaila muli Yawe kukapususya.

Yoane 5:2

Mu Yelusalemu, pipi ni mpongolo yamwangwa Mpongolo ya Mfwele, mwali ciziya cino mu cilimi ca Ciyuda camwangwa Betisaida, cino cazingulwikwe ni nkungu zisano.

Yelemiya 38:19

Umwene Zedekiya nawe ali pakunena Yelemiya ati, “Nkoopa aina Yuda yano yaikumika ku lusansa lwa ina Babiloni. Pano ungazana ukuti napelwa mu makasa yao, yancuzya.”

Yoane 19:17

Yesu nawe afuma mu musumba, ala asenzile lupanda lwakwe, aiiza ku cifulo camwangwa ukuti, “Pa cifulo ci Panga.” (Mu Ciyebulai cikaamwa ukuti, “Gologota.”)

Yoane 19:20

Antu aingi yaciwelenzile, pano cifulo cino Yesu watanyilwepo citali kutali nu musumba wa Yelusalemu. Cimanyisyo cii calemvilwe mu Ciyebulai, mu Cilatini, nga nu mu Cigiliki.