Yoane 18:28 - Amazwi Yakwe Leza 2013

²⁸ Lyene katondo tondo yafumya Yesu kwakwe Kayafa, yamutwala kwi sano lya mulasi. Ntunguluzi zya Ciyuda zyene zitingile mwi sano, zyoopa kukoweziwa, kuti zingalyako Cimulo ca Ucilo.

Yoane 18:28 Referans Kwoze

Yoane 19:9

Alino aingila nupya mwi sano, nga auzya Yesu ati, “Uzye kuno wafuma aukwi?” Lelo Yesu ataaswike.

Yoane 18:33

Nupya Pilato aingila mwi sano, aama Yesu nga amuuzya ati, “Uzye wewe uli Mwene wa Ayuda?”

Yoane 19:14

Cali pa wanda wa kuteyanya kuzevya Cimulo ca Ucilo, manye lino ilanzi lyafika mutwe papela (12 koloko). Pilato anena antu ati, “Mwene winu auwi kuno!”

Mateo 27:27

Lyene asilika yatwala Yesu mu kasi ka musolo wi sano lya mulasi, yakonganika mpuka yonsi ya asilika kumuzinguluka.

Milimo 3:13

Leza wakwe Abulaamu, Isaki na Yakobo, Leza wa vikolwe vitu uwapela lulumbi kuli Yesu muomvi wakwe. Mwemo mwamupile ku ntunguluzi zya Ciyuda mumukana pa manso yakwe Pilato, nanti angala Pilato wakasi kuti amusapule.

Yoane 11:55

Lyene insita yakuzevya Cimulo ca Ucilo ipalama, nga antu aingi yafuma mu mizi yaya ku Yelusalemu ku kuisangulula kulingana nu lutambi lino kuzevya kwa Cimulo ca Ucilo kutali kufike.

Milimo 11:3

“Wemo waile ufikila ku mang'anda ya Akulukuwa yano atasilamulwa nu kulya pamwi nao!”

Milimo 10:28

Alino ayanena ati, “Mwemo mweisikulu mwamanya ningo vino Muyuda, ukulingana ni mipepele yakwe, atazumiliziwa ukulanda nanti ukuminkana na Akulukuwa. Lelo Leza watandanga vino ntalinzile nataka umuntu umwi ukuti wakowela nanti atasanguluka.

Yoane 18:39

Lelo kulingana nu lutambi lwinu, lyonsi pa nsita ya kuzevya Cimulo ca Ucilo nkamusapwila munyepwe wenga. Uzye mukulonda kuti musapwile Mwene wa Ayuda?”

Mika 2:1

Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Malango 16:2

Muce mwaya pa ncende ili yonga kwene iyakupepela penepo. Ali pano muce mwafyulila imfwele yonga pa mfwele zinu nanti ing'ombe, wa mpolelwa ya Cimulo ca Ucilo kuli Yawe Leza winu.

Luka 22:66

Lyene lino waca, aikolo, yasimapepo akalamba, na yakasambilizya ya Masunde yakongana pali pamwi, yaleta Yesu mwi Tengo lyao.

Mako 15:16

Asilika yatwala Yesu mukasi ka musolo wi sano lya mulasi nu kwama impuka zya asilika.

Ezekelo 45:21

“Apa wanda uwalenga ikumi na yani uwa mwezi wakutandika kwene, ali pano mulatandikila uzevyo wa manda makulu a Cimulo ca Ucilo. Yonsi yace yalya imikate iyaulamo icitutumusi apa manda cinimbali.

Mapinda 4:16

Pano yene pakulala utulo, suka yatala yaifya. Yasilola utulo suka sile yatala yacitapo cimwi iciipe uku muntu.

Mapinda 1:16

Pano yene yakasimwilila uku kwifya, nu kukalaukila uku kuzwisya uwazi.

Masamu 35:16

Ala yakuncuzya, yakuncita wa ciwelewele, nu kundumila incecete.

Yoane 18:13

Yatala yamutwala kuli Anasi. Wene wali a sivyala wakwe Kayafa, wino uwali a Simapepo Mukulu mu mwaka ulya.

Yoane 18:15

Lyene Simoni Petulo nu mulondezi muze yalondela Yesu. Mulondezi muze wii, wamanyikwe ningo kuli Simapepo Mukulu. Caleka aingila nu mu musolo wa Ng'anda ikulu yakwe Simapepo Mukulu,

Yoane 19:11

Yesu amunena ati, “Utangaya ni nsambu panondi, suka ndi nsambu yapeelwa kunuli kufuma kuli Leza. Caleka wino uwatapela nene kunuli ali ni iifyo likulu kuluta.”

Milimo 4:27

Pano cumi Helodi na Pontio Pilato yakongine mu musumba pamwi na Akulukuwa nga na ina Izlaeli kuti yalwisye Yesu, umuomvi wako uwamuzilo, wino wasolwile. Yoa 18:28

Milimo 10:32

Tuma umuntu umwi ku Yopa ku muntu wi zina lyakwe Simoni Petulo. Wene umwenyi mu ng'anda yakwe Simoni, kanyuka wa mpapa, wino ing'anda yakwe yakulwa mu nkumba yakwe yemba.’