Yoane 18:25 - Amazwi Yakwe Leza 2013

²⁵ Petulo waimi ala akoota. Alino yao ali penepo yamuzya yati, “Uzye nawe kwene usi wenga uwamu alondezi yakwe?” Lelo Petulo akana ati, “Asi nene.”

Yoane 18:25 Referans Kwoze

Mapinda 29:25

Ukoopa antu cili wa citeyo, Lelo ukutaila muli Yawe kukapususya.

Utandiko 18:15

Sala pamulandu wa ntete akana ati, “Mukwai ntasesile.” Mwene nawe ati, “Ee, wali waseka.”

Luka 22:56

Lyene umukazyana wenga uwamu yaomvi amulola pano watenzi mu luswepo lwa moto. Umukazyana amulolekesya alino avwanga ati, “Muntu wii, nawe kwene wali pamwi na Yesu.”

Mateo 26:69

Lyene Petulo watenzi mukasi ka musolo wi Tengo, nga umukazyana wenga uwamu yaomvi yakwe Simapepo Mukulu aiiza panoli amunena ati, “Nawe kwene wali pamwi na Yesu uwaku Galile.”

Mako 14:66

Lino Petulo watenzi mu musolo wi Tengo, kwiza umukazyana wenga uwamu yaomvi yakwe Simapepo Mukulu.

Luka 22:55

Lyene lino yapemba umoto pakasi ka musolo wa nsaka ya milandu nu kwikala pansi, Petulo nawe waile aikala pansi pali pamwi nao.

Luka 22:57

Lelo Petulo akana ati, “Mwanaci we, nemo ntamanyile umuntu wiyo.”