Yoane 17:25 - Amazwi Yakwe Leza 2013

²⁵ Tata, wewe mololoke! Antu amu nsi yatakumanyile, lelo nemo nakumanya, nga na yaa yamanya vino wewe wantumile.

Yoane 17:25 Referans Kwoze

Yoane 17:11

Ndakai nkwiza kunuli. Ntacili mu nsi, lelo yene yacili mu nsi. Tata Wamuzilo! Yasunge kupitila mu maka yako yano wampile, kuti yaye wenga ndi vino wewe nani twaya wenga.

Yoane 17:8

Nayapile mazwi yano wampile, nga nao yayapokelile. Yamanya vino cacumi nemo nafumile kunuli, nu kutaila vino wewe wantumile.

Yoane 15:21

Lelo yalacita vintu vii vyonsi kunomuli pamulandu wakuti mwemwe yakwane, pano yatamanya uwantuma.

Yoane 7:29

Nemo namumanya, pano nafuma kunoli, nupya aliwe uwantuma.”

Yoane 16:27

pano Tata umwisikulu wamutemwa. Wene wamutemwa pano mwemo mwantemwa nga nu kutaila vino nafumile kunoli.

Ayebulai 8:11

Kusi umwi uwa munoyali wino alasambilizya mwina mupalamano nanti kunena mwina wakwe ati, ‘Manya Leza.’ Pano yonsi kwene yalamanya kutandika pa munono kufika nu ku mukulu.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

Yoane 10:15

Ndi vino Tata wamanya, nani namanya Tata, nga naipela kufwila mfwele.

Yoane 8:55

Nanti angala mutamumanya mu cumi. Lelo nemo namumanya. Ndi nati ntamumanyile, ale nakolana namwe mwe antumpu. Lelo nemo namumanya nupya nkayela mazwi yakwe.

Luka 10:22

“Tata, wampeela vintu vyonsi. Pasi nanti wenga uwamanya Mwana suka sile Tata. Nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.”

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

1 Kolinto 15:34

Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

Loma 3:26

Lelo Leza wimika Yesu pakuti alange kuti wene mololoke. Avino Leza umwine akailanga vino wene mololoke nu kucita muntu wensi kuya mololoke uwataila muli Yesu.

Loma 3:11

Kusi umuntu nanti wenga akauvwikisya, nanti akalonda Leza.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Milimo 17:23

Pano lino natandalanga mu musumba winu nu kulola mu vifulo vino mukapepelamo, nazanyile akavuwa apalembwa ukuti, ‘Kuli Leza wino atamanyikwa.’ Cico cino mukapepa mu kuntamanya, acino ndakai namamulandila.

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Yoane 17:18

Ndi vino wantumile mu nsi, avino nani nayatuma.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Yoane 16:30

Lyene twamanya vino wemo wamanya vintu vyonsi nga usyalonda kuti umuntu umwi akuuzye. Cikwene catulenga kutaila vino wafuma kuli Leza.”

Yoane 16:3

Antu yalacita vintu vii kunomuli pano yatamanya Tata, nanti anene.

Yoane 8:19

Nao yamuzya yati, “So alikwi?” Yesu aasuka ati, “Mutamanyile nene nanti a Tata. Ndi mumanya nene nga mwamanya na Tata kwene.”

Yoane 6:19

Walanga alondezi yafiya wato ukuya mukasi kakwe yemba, manye kulingana na makilomita yatatu na citika, yalola Yesu akupalama ku wato, ala akupita pa manzi. Alino yuvwa intete.

Yoane 3:17

Pano Leza atatumile Mwana wakwe muno nsi kuti aiize apingule amu nsi, lelo kuti atuule umi wao.

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Ezaya 45:21

Ndanji kuno mwize mulondolole umwi tengo. Yano yamaikanila kayapandane amano tuvwe! Uzye apa mpiti aweni uwasowile ivintu vii, nu kuvilondolwelapo calimwi? Uzye asi nene kwene ne Yawe? Ala kutaya Leza namuze, Leza akacita vyaololoke nupya a Katuula. Kutaya namuze, suka nenga mpo.

Umbwilo 16:5

Alino nuvwa mungeli uwali na maka pa manzi avwanga ati, “Upinguzi uno wacita usi walufyengo, We Wamuzilo, we muno ulipo nupya waliko!