Yoane 16:33 - Amazwi Yakwe Leza 2013

³³ Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Yoane 16:33 Referans Kwoze

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

1 Yoane 5:4

pano umwana wakwe Leza wensi angacimvya vyamu nsi. Nupya utailo uno twakwata auno ukatupela ucimvyo pa vintu vyamu nsi.

2 Tesalonika 3:16

Mwene wino ali intulo ya mutende umwisikulu amupeela mutende nsita zyonsi mu musango uli onsi. Mwene aye namwe mwensi.

1 Yoane 4:4

Lelo mwe ana yane, mwemwe yakwe Leza. Mwemo mwacimvya mpiti yakasema yaufi, pano Mupasi uwaya muno muli wene uwamaka kuluta Mupasi utazumila Klistu uli muli yao amu nsi.

Filipi 4:7

Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.

1 Petulo 5:9

Mukome mu utailo winu nu kukanya Ciwa, pano mumanyile ukuti mu nsi yonsi antu ataila wakwe mwemwe, yakupita mu macuzi amusango uli onga.

Yoane 14:1

Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

2 Timoti 3:12

Muntu wensi wakwe Klistu wino akalonda kwikala umi wakucita vyawololoke pa manso yakwe Leza wene alazunyiwa,

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Ayebulai 11:25

Mose camuzipile ukucula pamwi na antu yakwe Leza kuluta kuilyokezya mu kwifya pa nsita inono.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.

1 Tesalonika 3:7

Caleka, inane, mu ntazi nga nu mu ucuzi witu onsi, swemo twakomeleziwe nu utailo winu.

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.

Kolose 1:20

Kupitila mu Mwana, Leza welenginye kuleta mutende ku viumbwa vyonsi. Wene wacisile mutende kupitila mu mpolelwa ya mfwa ya Mwana wakwe pa lupanda, nu kuleta viumbwa vyonsi kunoli, ivya mwiyulu ni vyamu nsi.

2 Kolinto 1:3

Lekini tutaizye Leza nupya Isi wakwe Yesu Klistu Mwene witu. Wene a Tata wa luse, Leza ali ntulo ya kutekeziwa konsi!

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

1 Tesalonika 3:4

Pano walanga tucili pali pamwi namwe, swemo twamunenyile nkolelo ukuti tuli nu kuzunyiwa, nupya ndi vino mumanyile, vikwene avino cacitike.

Galatiya 6:14

Lelo nemo ntalatala njilumbe pa cintu cili consi suka sile lupanda lwakwe Klistu. Pano wene wafwile pa lupanda, lyene kunondi vya munsi vili wa vifwe nga nani ku vyamu nsi indi kwati nafwa.

2 Kolinto 7:4

Mwemo namutaila cuze. Lyonsi nkaya ni cilumba pamulandu winu, nga nupya nkakomeleka cuze. Mu ntazi zyane zyonsi nemo ncili nu luzango.

Milimo 27:25

Caleka posyini, mwe antu mwe! Pano nataila muli Leza ukuti cimaya ndi vino wali wanena.

Mika 5:5

Aliwe kwene alaleta umutende. Lino aina Asilya yalingila mu mpanga itu nu kutandika ukutuponyezya inkondo, tulatuma yamusika ya vita cinimbali, nanti intunguluzi zyamaka cinani ku kuyalwisya.

Masamu 68:18

Akwela na papelapela apasamuke, ala asenzile na azya yano yalemile. Ala akupokelela ivya mawila uku antu yauze kumwi na yacisanguka kwene. Fwandi papo kwene, apano Yawe amaikalanga amanda yonsi.

Galatiya 1:4

Klistu waipile mwisikulu wa mpolelwa umulandu wa maifyo itu, pakuti tungakululwa ku mukulo uu, uwipe. Wene wacisile cii, mu kuyela Leza witu ali Tata.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Yoane 12:31

Ndakai, akasita ka kupingula antu amu nsi ii. Ndakai Ciwa kateeka wa nsi ii akucimviwa.

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Milimo 27:22

Lelo ndakai namupapata, posyini! Kusi nanti umwi uwa munomuli amalovya umi wakwe. Uwato sile umaononeka.

Luka 19:38

ala likuti, “Walongo a kateeka akwiza mwi zina lya Mwene! Mutende uye mwiyulu, nu lulumbi kuli Leza mwiyulu papelapela!”

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Ayebulai 7:2

Abulaamu nawe amupeela icikumi pali vyonsi vino wasenzile. Mekisedeki izina lino nkolelo likusenula ukuti “Kateeka wino akaleta uwololoke.” Cakwe ciili wene wali a kateeka wa Salemu, cikusenula ukuti, “Kateeka wino akaleta mutende.”

Yoane 16:11

Yene aponge pamulandu wa kuntamanya upinguzi wakwe Leza pano Ciwa, kateeka wa nsi ii watavunukwa mpiti.

Mateo 9:2

Lyene lilyo kwene aonsi yamwi yamuletela umuntu wino uwali cite, ala aizi pa cintamba. Lino Yesu walola utailo wao, anena icite ati, “Mwanane utasakamala! Maifyo yako yelelwa.”

2 Kolinto 2:14

Tutaizye Leza pano muli Klistu akatutungulula nsita zyonsi uku ucimvyo. Leza akatuomvya kuti kumanya kwakwe Klistu kusalangane konsi wa mununko usuma.

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

2 Kolinto 6:4

Lelo mu vintu vyonsi vino tukacita tukalanga ukuti mu cumi sweswe aomvi yakwe Leza. Lyonsi tukateeka myenzo nu kuzizimizya nanti tukweti intazi zingi, ucuzi nga nu kutitikiziwa.

1 Yoane 2:13

Mwe yaisi, namwe nkumulembela pamulandu wakuti mwamanya wino uwayako kufuma ku utandiko. Mwe yalumendo nkumulembela pamulandu wakuti mwacimvya Mwipe wilya.

Yakapingula 3:2

Yawe wacisile cico pamulandu wa kusambilizya cila nkulo zya ina Izlaeli ivya kulwa inkondo, makamaka kuli yao atamanyile vino yalwanga ku mpiti.