Yoane 16:21 - Amazwi Yakwe Leza 2013

²¹ Lino umwanaci ali pipi nu kuvyala, akaya nu ulanda pano kasita kakwe ka ucuzi ala kati kiiza. Lelo lino mwana wavyalwa, umwanaci asyaiusya kucula kwakwe, pano ali ni nsansa pamulandu wa kuvyalwa kwa mwana mu nsi.

Yoane 16:21 Referans Kwoze

Masamu 113:9

Aliwe sile awino akacindamika ing'umba apa ng'anda nu kuisansamusya apa kuipeela umwana. Lumbanyini fwandi Yawe!

Ezaya 13:8

Intete zyati ziyalema, nu kucululuka nga na malanda vyati viyizila, kwati umwanaci wino insita yakwe yakulela yatimufikila. Akula yalolekesya iciyapezya amano, apamanso yao patipatuwalala.

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

Mika 4:10

Mwalu kwaseela nu kunyunguluka, mwe antu aku Yelusalemu, wa mwanaci wino ali pipi nu kulela. Pano ndakai mulinzile ukufuma mu musumba uo, kuti mukikale mu mitanda. Mulasendwa nu kuya ku Babiloni. Lelo kuku kwene Yawe alamukulula ku anisi inu.

Galatiya 4:27

Pano calembwa mu malembelo cati, “Zanga, we ng'umba! Umila kapundu, we muno utatala wawaika mu umbuza! Lelo ulakwata ana aingi kuluta ana ya mwanaci wino iya atatala amusye.”

Utandiko 3:16

Alino Yawe Leza anena umwanaci ati, “Ndungilizya ucuzi wako pakusenda indilwa nu kuwaika kwa umbuza. Ulatwalilila kulondesya uwako, nga nawe alaya a kateeka wako.”

Ezaya 21:3

Apamulandu wa vintu vino nuvwile nu kuvilola mu cilolwa nkuuvwa intete nu ulanda, wa mwanaci wino ali pipi nu kupapa. Vino nuvwa vyativindetela izyungu. Vino nkulola vyampezya amano.

Ezaya 66:7

Umusumba wane wamuzilo uli wa mwanaci wino watalela umwana umonsi, papo kwene ukwaula ukuti atale acule imipapile.

Mika 4:9

Uzye pacani cino wemo ukulila nu kupooma? Uzye pacani cino ukunyunguluka wa mwanaci ali pipi nu kulela? Uzye kuli kuti utakweti umwene, nanti mpandamano wakukulangilila?

Yobo 11:16

Ndi caya vivyo lyene ulilila uku macuzi yako, nu kuyiusya sile ndi vino yakaiusya mulamba apisile mpiti.