Yoane 14:26 - Amazwi Yakwe Leza 2013

²⁶ Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Yoane 14:26 Referans Kwoze

Yoane 15:26

“Lelo kaazwa aliza, ali Mupasi, wino akasokolola cumi ca pali Tata, nupya akafuma kuli Tata. Ndamutumila wii kwene kufuma kuli Tata, nga nawe alapeela umboni pamulandu wane.

Yoane 14:16

Nani ndapepa kuli Tata, nawe alamupeela kaazwa muze, kuti aikale namwe manda pe.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

Yoane 16:7

Lelo nkumunena cumi vino camuzipila kuti mpite, pano ndi ntapisile kaazwa ataliza kunomuli. Lelo ndi napita lyene ndamutuma kunomuli.

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

1 Kolinto 6:19

Uzye mutamanya vino mili inu ing'anda ikulu yakwe Mupasi Wamuzilo? Leza wamupile Mupasi Wamuzilo kuti aikala munomuli. Uli mulandu uno umi uno mukwikala usi wakwinu lelo uwakwe Leza.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Efeso 1:17

nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Yoane 2:22

Caleka lino wazyukwike kufuma ku afwe, alondezi yakwe iusya vino wavwanzile cii, nga yataila malembelo na mazwi yano Yesu wavwanzile.

Ezaya 54:13

Ana yako yonsi yalasambilila kuli ne Yawe, isyuko lyao lilakula wakwe cimwi.

Milimo 13:2

Uwanda umwi lino yakongine, ala yakupepa Mwene nu kuizilizya ukulya, Mupasi Wamuzilo ayanena ati, “Mu mpalwile Banaba na Saulo, kuti yakaombe mulimo uno nayamila.”

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Yoane 5:7

Kwaya yakambone yatatu.

Tito 3:5

wene watutuuzile. Citali apamulandu wa vicitwa visuma vino twacita, lelo apamulandu wa mizu yakwe umwisikulu acino watutuulile. Wacisile cii pa kutufula mu maka yakwe Mupasi Wamuzilo, wino uwatulenga kuvyalwa cipya cipya nu kutandika umi upya.

Luka 24:49

Nani ndatuma panomuli cino Tata wandaya. Lelo mulinzile mulolele mu musumba, kufika lino mulapokelela maka kufuma kwiyulu.”

Yuda 1:20

Lelo mwe yacuza yane akundwe, twalililini kukula mu utailo winu wamuzilo. Pepini mu maka yakwe Mupasi Wamuzilo.

Ayebulai 9:8

Mu utantiko uu onsi amuno Mupasi Wamuzilo akusambilizya paswe ukuti inzila ya kwingila mu Ncende Yamuzilo Kuluta itange iyeko lino muputule wakwe conga uciimi.

Ayebulai 3:7

Caleka, ndi vino Mupasi Wamuzilo akuti, “Ilelo ndi muvwa izwi lyakwe Leza,

2 Kolinto 13:14

Cikuku ca Mwene witu Yesu Klistu, nu kutemwa kwakwe Leza, nu utandano wakwe Mupasi Wamuzilo viye namwe mwensi.

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

1 Kolinto 12:3

Nkulonda kuti mumanye vino kusi umwi wino akatungululwa na Mupasi Wamuzilo angavwanga ati, “Yesu atipwe!” Nupya kusi umwi angavwanga paswe ati, “Yesu u Mwene,” suka akutungululwa na Mupasi Wamuzilo.

2 Petulo 1:21

Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.

Luka 11:13

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela Mupasi Wamuzilo kuli yao akamulenga?”

Masamu 51:11

Utafuntuka kunondi foo, utampoka umupasi wako uwamuzilo.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

Luka 1:41

Lyene walanga lino Elizabeti uvwa kulamuka kwakwe Maliya, umwana asukana umunda yakwe. Elizabeti nawe azuziwa na Mupasi Wamuzilo,

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.

2 Timoti 1:14

Mu maka yakwe Mupasi Wamuzilo, wino akaikala munotuli, nakunena ukuti wacingilila vintu visuma vino walasikwa.

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Loma 5:5

Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Milimo 11:16

Lyene nani niwisye vino Mwene wavwanzile ati, ‘Yoane wawatizyanga na manzi, lelo mwemo mulawatiziwa na Mupasi Wamuzilo.’

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Yoane 20:22

Lino wavwanga vii ayaputa mupu, ayanena ati, “Pokelelini Mupasi Wamuzilo.”

Yoane 6:45

Yakasema yalemvile yati, ‘Onsi yalasambiliziwa na Leza.’ Wino wensi akauvwa nu kusambilila kuli Tata wene akaiza kunondi.

Mako 13:11

Lyene lino mpelelekezyo itali ifike yalamulema nu kumutwala mu cilye ca milandu mutakalanguluke nkolelo pali vino mulavwanga. Lino nsita iliza, muce muvwange cino cilapelwa kunomuli. Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.

Mateo 1:20

Lelo lino acili akwetetwila cii, mungeli wa Mwene aloleka kunoli mu ciloto amunena ati, “Yosefu, uwamu mupanda wakwe Davidi, utaya na ntete zya kutwala Maliya ukuya muci wako. Pano watasenda indilwa kupitila mu maka yakwe Mupasi Wamuzilo.

Ayebulai 10:15

Mupasi Wamuzilo nawe kwene watupeela umboni wakwe. Nkolelo wene akuti,

Yoane 12:16

Pa kasita kaka alondezi yakwe yatilwike vintu vii. Lelo lino Yesu watumpwilwe nu kupelwa lulumbi, yene iusya vino malembelo yalanda cii pali aliwe, nga na vino yamucitile vintu vii.

Mako 12:36

Mupasi Wamuzilo walenzile kuti Davidi avwange ati, ‘Mwene wanenyile Mwene wane ati, Ikala kwi kasa lilunji lyane kufika lino ndakucimvizya anisi yako.’

Umbwilo 2:11

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya yatalafwa imfwa yakwe ciili.”

Efeso 1:13

Yesu wamuletile cumi, cino cili Ilandwe Lisuma lya pamulandu wakwe vino mungatuulwa ndi mwataila. Caleka mwatamwa ni nsimbi yakwe Leza pa kumupeela Mupasi Wamuzilo wino walavile kunomuli kuti alange vino mwemwe yakwakwe.

2 Kolinto 6:6

Tukailanga nupya ukuya aomvi yakwe Leza mu kuswepa kwa myenzo itu, mukumanya vya cumi, mu kuteeka myenzo, nu mukuya nu luse na Mupasi Wamuzilo, nga nu kutemwa kuno twakwata ukwa cumi,

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

Milimo 15:8

Lyene Leza, wino uwamanya vyaya mu myenzo ya antu, walanzile vino watazengela Akulukuwa pa kuyapela Mupasi Wamuzilo, wakwe vino naswe watupile.

Milimo 7:51

Sitivini atwalilila kuyanena ati, “Mwe antu akoma myenzo mwe! Mutamanya Leza! Mwe yankoma matwi mwe. Mukoline ni vikolwe vinu kwene: namwe kwene mukukanya u Mupasi Wamuzilo lyonsi!

Milimo 1:4

Lino yakongine pamwi, wayapile ilamulo lii ati, “Mutakafume mu Yelusalemu, lelo mulolele uwila uno Tata wamulavile, uno nani namunenanga.

Milimo 1:2

kufika na pa wanda uno Leza wamusenzile kwiyulu. Lino atali kuti asendwe kwiyulu, mu maka ya Mupasi Wamuzilo wasile wapela utunguluzi ku atumwa yano wasolwile.

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

Luka 3:22

na Mupasi Wamuzilo aikila panoli mu musango wa nkunda. Ni zwi lifuma mwiyulu liti, “Wewe Mwanane mukundwe, munuli nkuzanga cuze.”

Luka 1:67

Lyene Zakaliya isi wakwe Yoane azuziwa nu Mupasi Wamuzilo nga avwanga mazwi afumile kuli Leza ati,

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Milimo 28:25

Caleka yapita, ukwaula kuti yazumilizyanye aisikulu, pacisila lino Paulo wavwanga mazwi yaa ati, “Endi! Mupasi Wamuzilo wavwanzile ningo ukupitila muli kasema Ezaya ku vikolwe vinu!

Milimo 16:6

Yapisile mu mpanga ya Fulugiya na Galatiya pano Mupasi Wamuzilo atayazumilizye ukukosola ilandwe mu muputule wa mpanga ya Asiya.

Milimo 15:28

Mupasi Wamuzilo pamwi naswe twati tuzumilizyanya ukuti tutalinzile kumutwika cisendo nacuze kuluta pali vii vikalondekwa,

Milimo 13:4

Banaba na Saulo pano yatumwa na Mupasi Wamuzilo, ku Seleukia. Kuku akuno yaya yapatama mu wato yaya ku cilila ca Kupulo.

Milimo 7:55

Lelo Sitivini, uwazuziwe na Mupasi Wamuzilo, alingamila kwiyulu nga alola lulumbi lwakwe Leza, na Yesu ala aimi kwi kasa lilunji lyakwe Leza!

Milimo 5:3

Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo?

Luka 2:25

Ku Yelusalemu kwali umuntu wi zina lyakwe Simeoni. Wiyo wali umololoke nupya wayelanga Leza. Wene walolelanga insita ino Leza angatuula aina Izlaeli, nu Mupasi Wamuzilo wali panoli.

Mateo 1:18

Kuvyalwa kwakwe Yesu Klistu kwali ndi vii. Maliya uwali nyina, wataisiwe na Yosefu, lelo lino yatali ikale nawe, wazanyilwe ni ndilwa iyacisilwe kupitila mu maka ya Mupasi Wamuzilo.

Yoane 1:33

Nemo ntamanyile ukuti ali wikwene. Lelo Leza wino wantumile kuti nawatizya antu na manzi, wanenyile ati, ‘Ulalola Mupasi Wamuzilo akwika nu kwikala panoli. Yesu kwene wii ali wino alawatizya na Mupasi Wamuzilo.’

Yoane 14:25

“Vintu vii namunena lino ncili namwe.