Yoane 12:49 - Amazwi Yakwe Leza 2013

⁴⁹ Pano ntakuivwangila, lelo Tata uwantuma wene wampeela ilamulo muno ningavwangila na muno ningakosolela.

Yoane 12:49 Referans Kwoze

Yoane 14:10

Filipo, uzye utataile vino Tata nani twaya wenga? Mazwi yano nkamunena, insiivwangila! Lelo Tata, wino akaikala munondi, akacita milimo yakwe.

Yoane 8:26

Nkweti vintu vingi vyakumunena makamaka pa viipe vino mwacita. Lelo wino uwantuma wene uwa cumi, nga nani nkanena amu nsi vino nuvwa sile kunoli.”

Yoane 5:30

“Nemo ntangacita cimwi mu nsambu yane. Tata wanena vino ningapingula, nu upinguzi wane usi walufyengo pano nsyacita kulonda kwane, suka kulonda kwakwe Tata wino uwantuma.

Yoane 17:8

Nayapile mazwi yano wampile, nga nao yayapokelile. Yamanya vino cacumi nemo nafumile kunuli, nu kutaila vino wewe wantumile.

Malango 18:18

Ndayatumila kasema akoline nawe ukufuma mu antu yao kololo. Ndamunena ivya kuvwanga, nga nawe alayanena vintu vyonsi vino ndamupeela ilamulo kuti alande.

Yoane 14:31

Lelo antu amu nsi yalinzile yamanye vino natemwa Tata. Uli mulandu uno nkacita vyonsi vino wampeela ilamulo kuti ncite. “Katukini, tuini tufume pa ncende ii.”

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Yoane 8:42

Yesu ayanena ati, “Leza ndi a So mu cumi, nga mwantemwa, pano nemo nafuma kuli Leza. Nupya ndakai ndi pano. Ntaizile nenga, lelo aliwe uwantuma.

Yoane 3:32

Wene akapeela umboni pali vino walola nu kuvwa, lelo pasi umwi akataila umboni wakwe.

Yoane 3:11

Cumi, nakunena vino swemo tukavwanga cino twamanya, nupya tukalanda cino twalola. Lelo kusi umwi uwa munomuli akataila umboni witu.

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Yoane 5:19

Caleka Yesu nawe anena intunguluzi zya Ciyuda ati, “Cumi, namunena vino, Mwana atangacita cimwi pa lwakwe. Wene akacita sile cino walola Isi akucita. Vino Isi akacita, avino nu Mwana kwene akacita.

Yoane 6:68

Simoni Petulo amwaasuka ati, “Mwene, uzye aweni namuze wino tungayako? Mazwi yako yakapela umi wape.

Yoane 7:16

Yesu ayanena ati, “Vino nkasambilizya visi vyakwane, lelo vikafuma kuli Tata wino uwantuma.

Yoane 8:28

Caleka Yesu ayanena ati, “Alala mwatumpula Mwana wa Muntu, lyene mulamanya vino ‘Nene ali nene kwene.’ Alino mulamanya vino nsyaicitila cimwi nenga, lelo nkavwanga sile vino Tata wanena kuti mvwange.

Yoane 14:24

Wino wensi atantemwa wene asyayela mazwi yane. Na mazwi yano muvwa yene yatafuma kunondi, lelo yafuma kuli Tata, wino uwantuma.