Yoane 12:42 - Amazwi Yakwe Leza 2013

⁴² Nanti angala cali vii, aingi mu ntunguluzi zya Ciyuda yataile muli Yesu. Lelo pamulandu wa Afaliseo, yene yatalandanga cii paswe kuti yatazingwa mu ng'anda ya mapepo.

Yoane 12:42 Referans Kwoze

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Yoane 9:22

Akwasi yakwe yavwanzile cii pano yoofile intunguluzi zya Ciyuda pano ala zyazumilizyanya ukuti, wensi amataila vino Yesu ali Katuula, wene amazingwa mu ng'anda ya mapepo.

Yoane 7:13

Lelo patali wakuti alande paswe pano yoopanga Ayuda.

Mapinda 29:25

Ukoopa antu cili wa citeyo, Lelo ukutaila muli Yawe kukapususya.

Mateo 10:32

“Cumi, namunena nati, wino wensi walanda paswe ukuti uwakwane, nani ndamucitila cili conga pa manso yakwe Tata uwa mwiyulu.

1 Yoane 4:15

Muntu ali wensi ndi walanda paswe ukuti Yesu ali Mwana wakwe Leza, Leza akaikala munoli nga nawe muli Leza.

1 Yoane 4:2

Vii avino mungamanyilako Mupasi wakwe Leza, umuntu ali wensi wino wazumila ukuti Yesu Klistu wizile avyalwa wa muntu, wene wakwata Mupasi kufuma kuli Leza.

Loma 10:10

Pano tukataila mu mwenzo nu kutaka utailo witu. Lyene Leza akatucita kuya aololoke pa manso yakwe, atutuula.

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

Yoane 19:38

Pacisila ca vintu vii, Yosefu uwaku Alimatiya aya alenga Pilato kuti amuzumilizye kusenda icala cakwe Yesu. (Yosefu wali mulondezi wakwe Yesu mu umfisolo, pano oopanga intunguluzi zya Ciyuda.)

Yoane 16:2

Yalamuzinga mu mang'anda ya mapepo, endi, na kasita kakwiza lino wino wensi wamukoma alelenganya vino pa kucita cii, akutumikila Leza.

Yoane 12:11

pano Ayuda aingi pamulandu wakwe Lazalo yakananga yasimapepo nu kutaila Yesu.

Yoane 11:45

Ayuda aingi yano aizile ku kutandalila Maliya lino yalola cino Yesu wacita yamutaila.

Yoane 9:34

Nao yamunena yati, “We muno wavyalwa nu kukula mu maifyo, uzye ukwelenganya vino ungasambilizya sweswe?” Alino yamuzinga mu ng'anda ya mapepo.

Yoane 3:2

Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”

Luka 12:8

“Cumi, namunena vino wino wensi walanda paswe ukuti uwakwane, Mwana wa Muntu nawe alacita cili conga panoli pa manso ya angeli yakwe Leza.

Luka 6:22

“Alongo amwemwe ndi antu yamupata, yamukana, yamutuka, yavwanga yati mwemwe yaipe pamulandu wa kulondela Mwana wa Muntu.

Ezaya 66:5

Uvwini kuno mwemuno mukaoopa ne Yawe! Anyonko, yano yamupata, yano yamusuula pamulandu sile ni zwi lyakwe nene, yakamuwela ala yakuti, “Ale tumamulozyanga vino mumasansamukanga. Yawe kamulange tuvwe vino wacindama na vino angamupususya. Kwene antu yayo yalazewanilapo sile!

Ezaya 57:11

Aweni fwandi wino oopanga nu kuzakaza kunoli, apakuti wize unsangukile vikwene vii, ukane nu kunjiusya icakuti lyene watunjima ni ncende apakunjika, umu mwenzo wako? Uzye namanye umulandu wakuti nkutumile cele, icingalenga ukuti utangoopa?

Yelemiya 38:19

Umwene Zedekiya nawe ali pakunena Yelemiya ati, “Nkoopa aina Yuda yano yaikumika ku lusansa lwa ina Babiloni. Pano ungazana ukuti napelwa mu makasa yao, yancuzya.”

Luka 23:13

Lyene Pilato aama yasimapepo akalamba, intunguluzi zya Ayuda nga na antu silesile,

Yoane 7:31

Lelo amwi umba aingi yamutaila yati, “Lino Katuula uwalavilwe aliza, uzye alacita vilangililo kuluta vii vino umuntu wii akucita?”