Yoane 12:38 - Amazwi Yakwe Leza 2013

³⁸ Pakuti vifikiliziwe vino kasema Ezaya wavwanzile ati, “Mwene, uzye aweni wataile Ilandwe lino twavwanzile? Uzye akuli weni kuno Leza wasokolwile maka yakwe?”

Yoane 12:38 Referans Kwoze

Ezaya 53:1

Antu nayo ali pakwasuka yati, “Wino angazumila ivintu vii vino tukulanda aweni? Nga wino angiluka ukuti Yawe ali wino akucita cii, aweni?

Loma 10:16

Lelo asi onsi azumila Ilandwe Lisuma. Na Ezaya kwene umwisikulu wavwanzile ati, “Mwene, uzye aweni uwataila vino twakosozile?”

Loma 10:20

Nupya Ezaya wavwanzile nu kupama lino wavwanzile ukuti, Leza wavwanzile ati, “Nazanyilwe na antu yano atandonzile. Nalolike ku antu yano atamvulanga.”

1 Kolinto 1:24

Lelo kuli yao yano Leza waama, Ayuda na Akulukuwa kwene, yonsi yaa iiluka ukuti Klistu ali maka nga na mano yakwe Leza.

Galatiya 1:16

Wasokolwile Mwana wakwe kunondi, pakuti ningakosola Ilandwe Lisuma lya pali aliwe ku Akulukuwa, nemo ntaile ku muntu ali wensi kuti ampande mano,

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

2 Milandu 32:20

Lyene umwene Hezekiya na kasema Ezaya umwana wakwe Amozi, iyapepa kuli Yawe nu kupunda kunoli kuti ayazwilizye.

Yoane 19:24

Asilika yavwanzyanya yati, “Lekini tutaulepula. Lekini tupendole kuti tulole wino amautola.” Cii cacitike kuti cifikiliziwe cino calembwa mu malembelo cikati, “Yankine nsalu zyane aisikulu nga na pa mwingila wane yacita usilizi.” Vii avino asilika yacisile.

Yoane 17:12

Lino nali nao, nayasunganga ningo kupitila mu maka yako yano wampile. Nayacingililanga, nga kutali wenga uwalowa, suka sile umuntu wino uwasolwilwe kulowa, kuti cino calembwa cifikiliziwe.

Yoane 15:25

Lelo cii cayako kuti icalembwa mu masunde yao cifikiliziwe, cino cikati, ‘Yampata pasi nanti mulandu.’

Mateo 15:7

Mwe yasomvi mwe! Ezaya wali ningo lino wasemile pali mwemwe, ati,

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Ezaya 51:5

Ndakalauka zuwazuwa ukuleta upinguzi wane, nu ufyusi wane, uliza wa luswepo. Ikasa lyane lilapingwila imitundu. Aikala umu vilila yataila kunondi, yataila amaka yane.

Mateo 27:35

Lyene lino yamutana pa lupanda, yaankana ni vizwalo vyakwe, pacisila ca kupendola.

Yoane 12:37

Nanti angala Yesu wacisile vilangililo vii vyonsi pa manso ya Ayuda, yene yatamutaile.

Yoane 12:39

Caleka yaposiwe kutaila, pano Ezaya nupya wavwanzile ati,