Yoane 11:8 - Amazwi Yakwe Leza 2013

⁸ Alondezi yamunena yati, “Kasambilizya, patali papite nsita lino Ayuda yalondanga kukutama na mawe, nga nupya ukulonda kuyako?”

Yoane 11:8 Referans Kwoze

Yoane 10:31

Nupya kwene Ayuda yatoola mawe kuti yamutame.

Yoane 8:59

Lyene yasola mawe kuti yamutame, lelo Yesu afisama. Alino afuma mu Ng'anda ikulu yakwe Leza.

Yoane 10:39

Nupya kwene yalonda kulema Yesu, lelo aongoloka pano yali.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Mateo 23:7

Yene yatemwa kulamukwa nu mucinzi mu masokoni, nu kuti antu yayaama yati, ‘Kasambilizya.’

Mateo 23:8

Lelo mwemo yatalinzile kuti yamwama yati, ‘Kasambilizya,’ pano mwakwata sile kasambilizya wenga, nupya mwensi mwemwe ina.

Yoane 4:31

Pa kasita kwene kaka alondezi yamupapata yati, “Kasambilizya, silyanga!”

Yoane 11:19

Na antu aingi amu Yudeya izile kuli Mata na Maliya kukuyatekezya pamulandu wa mfwa yakwe kalume wao.