Biblia Todo Logo
Bib sou entènèt

- Piblisite -




Yoane 11:52 - Amazwi Yakwe Leza 2013

52 Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Gade chapit la Kopi




Yoane 11:52
40 Referans Kwoze  

Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.


Klistu ali mpolelwa yapa maifyo itu, nga na maifyo ya antu yonsi amu nsi.


Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”


Kalata kufuma kuli ne Petulo mutumwa wakwe Klistu Yesu. Nkulembela antu asololwe yakwe Leza, yano asalangana wa mbutusi mu miputule yonsi yamu Ponto, Galatiya, Kapadokiya, Asiya, nga nu mu Bitiniya.


Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.


Nanti uzye Leza a Leza wa Ayuda sile? Uzye na Akulukuwa kwene asi a Leza wao? Cumi kwene a Leza wao.


Ufyusi wako ukoline wa luswepo ku Akulukuwa luno lulaleta ululumbi ku antu yako aina Izlaeli.”


Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.


Leza wacita cii, kulingana nu kuteyanya kwa mwi pange lyakwe manda pe, lino wafikilizya muli Klistu Yesu, Mwene witu.


Leza wasolola mpiti kutucita ana yakwe kupitila muli Klistu. Cii camuzanzizye umwisikulu mwi pange lyakwe.


ndi vino malembelo yakati, “Nakucita cikolwe ca antu amu nko zyonsi.” Ulayo uu wapilwe kuli Abulaamu pano wataile Leza, wino akapeela umi ku afwe nu kulenga kuti vintu vino vitaliko viyeko.


pano indi nawe. Kusi umwi ali na maka ya kukucisa, pano aingi mu musumba uu, antu yane.”


Lelo lino nemo ndasamikwa ku cimuti, ndaongwela antu yonsi kunondi.” (


Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.


Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”


Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.


Tumpula amanso, celecensya konsi konsi. Lola vino yonsi yakolongana kunuli. Ana yako aonsi yafuma ukutali. Ana yako anaci yatiyayasendela pa lutungu, apa lumani.


Anene ne Yawe navwanga. Nene kwene nemuno nafumizye antu yane aina Izlaeli mu uzya nu kuyawezezya kumwao. Nalaya nu kuti ndakolonganika nayauze kwene pakuti yakize yakaye pali ponga kwene na yano nakolonganika mpiti.


Wemo ulaama umutundu uno utatazile umanyikwe. Imitundu ino itamanyikwa iliza ulwilo kunuli, apamulandu sile wakwe Yawe wako, Wamuzilo wakwe Izlaeli, iyo ino ilakucindika.


Tumpula amanso nu kucelecensya monsi, Antu yako yonsi yakukongana, yakwiza kunuli. Ne Yawe Leza wa umi, nalapa ukuti, antu yako yalaya wa ciyembelo. Nupya ulaleka yaloleke wa candaluwa cakwe nawinga.


Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!


Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.


Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.


Antu amu nko zyonsi yalaiusya Yawe nu kuweluluka yalaweluluka kunoli. Ni misango ya antu yonsi yalamupepa.


Lelo yamwi, yano amuzengile nu kutaila munoli, yene wayapile nsambu yakuti yaye ana yakwe Leza.


Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.


Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.


Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.


“Nanti mwanaci umwi ndi wali ni mpiya ikumi lelo waponzya longa, uzye akacita uli? Uzye atangakozye lukozyo, apyele ng'anda yakwe, nu kulonda monsi kwene, suka aluzane?


Swiv nou:

Piblisite


Piblisite