Yoane 11:49 - Amazwi Yakwe Leza 2013

⁴⁹ Lelo wenga uwa munoyali akaamwa ukuti Kayafa, wino wali a Simapepo Mukulu mu mwaka ulya, ayanena ati, “Mwemo mutamanyile nanti cimwi!

Yoane 11:49 Referans Kwoze

Yoane 11:51

Ataivwangilanga cii kukulonda kwakwe. Lelo pano wali a Simapepo Mukulu mu mwaka ulya, wasemanga vino Yesu ali nu kufwila Ayuda.

Mateo 26:3

Lyene yasimapepo akalamba nga na aikolo yakongana mu ng'anda yakwe Kayafa, Simapepo Mukulu.

Milimo 4:6

Yakongine pamwi na Anasi uwali Simapepo Mukulu na Kayafa, Yoane, Alekizanda, nga na akazi kakwe Simapepo Mukulu.

Luka 3:2

na Anasi na Kayafa yali yasimapepo akulu. Pa nsita ilya Ilandwe lyakwe Leza lizile kuli Yoane mwana wakwe Zakaliya mu lwanga.

Mapinda 26:12

Uzye watala walola umuntu akaitunga ukuya uwa mano? Fwandi umu ciwelewele mwene calusya.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

1 Kolinto 1:20

Caleka, uzye lyene yalikwi antu yamano? Nanti nkonkotela zyakwe yakasambilizya ya Masunde? Nanti yao akaitumika mu kwasuka mauzyo ya muno nsi? Leza walanga vino mano amuno nsi yene uwelewele!